2024 jyly bank sektorynda dollardan arylý protsesi óz jalǵastyǵyn tapqanymen, onyń qarqyny baiaýlady. Munyń sebebi kúni keshe QR Ulttyq Bank jariialaǵan Qarjylyq turaqtylyq týraly esepte egjei-tegjei aitylady, dep habarlaidy Dalanews.kz.
Jyldyń qorytyndysy boiynsha valiýtalyq qaryzdar 8,8%-ǵa deiin, valiýtalyq depozitter deńgeii 22,5%-ǵa deiin tómendedi. Onyń ústine, 2024 jyldyń sońynda jeke tulǵalardyń valiýtalyq salymdarynyń úlesi 22%-dan 20%-ǵa deiin tómendedi, al zańdy tulǵalar boiynsha dollarlandyrý deńgeiiniń 24%-dan 26%-ǵa deiin shamaly ósimi tirkeldi.
Ulttyq Bank esebinde bul úrdis syrtqy ekonomikalyq qyzmetke baǵyttalǵan kásiporyndar qyzmetiniń erekshelikterimen bailanysty bolýy múmkin ekeni aitylady.
2024 jyl boiy USD/KZT juby boiynsha jetkizilmeitin valiýtalyq forvard (NDF) pen teńgedegi depozitter boiynsha ortasha alynǵan mólsherlemeler arasyndaǵy spred qyrkúiek aiyna deiin birtindep tómendep, 0,1%-ǵa jetti. Teńge álsiregennen keiin spred 2024 jyldyń sońyna qarai 4,5%-dy qurap, jyl basyndaǵy mánderge oraldy. Bul dinamika aiyrbas baǵamynyń aýytqýy teńgelik depozitterdiń tartymdylyǵyna áser etetinin kórsetedi, ony dollarlandyrý táýekelderin baǵalaý kezinde eskerý qajet. Bul rette, depozitterdi dollarlandyrý deńgeiin aiqyndaityn irgeli faktorlardyń aitarlyqtai qubylmalylyq kezeńderiniń bolmaýy dollarsyzdandyrý ulttyq valiýtaǵa degen senimniń jalpy nyǵaiýy aiasynda bolǵanyn kórsetedi.
"2024 jyly dollarlandyrý deńgeii men jeke tulǵalar depozitteriniń mólsheri arasynda oń korreliatsiia saqtaldy: 500 mln teńgeden astam shottarda dollarlandyrý deńgeii 57,8%-ǵa jetti, al 1 mln teńgege deiingi shottarda barlyǵy 6,1%-dy qurady. Iri salymshylar qarajatyn shetel valiýtasynda saqtaýǵa beiim keledi, bul olardyń táýekelderdi ártaraptandyrýǵa degen umtylysyna bailanysty bolýy múmkin", delingen esepte.
2024 jyly negizinen 10 mln teńgeden 50 mln teńgege deiingi somaǵa teńgedegi depozitter esebinen jekelegen depozitterge qarajattyń netto ákelinýi 18,3%-ǵa (637,9 mlrd teńgege) ulǵaidy. Valiýtalyq depozitterge qarajattyń ákelinýi barlyq depozittik toptarda, negizinen somasy 500 mln teńgeden (209,43 mlrd teńge) asatyn depozitter esebinen baiqaldy.
Osylaisha, dollarsyzdandyrýdyń jalpy tendentsiiasyna qaramastan, iri salymshylar valiýtalyq depozitterdi belsendi paidalanýdy jalǵastyrýda, bul táýekelderdi baǵalaý kezinde eskerilýi kerek.
Buǵan deiin kúni keshe dollar qymbattap, psihologiialyq shekti igergenin jazǵanbyz.
