Búgin Aqordada Qazaqstan men Italiia prezidentteri keńeitilgen quramda kelissóz júrgizdi. Memleket basshysy Qazaqstan men Italiia arasyndaǵy kópjosparly yntymaqtastyq berik saiasi dialogqa, qarqyndy ekonomikalyq seriktestikke jáne tyǵyz mádeni-gýmanitarlyq bailanystarǵa arqa súieitinin atap ótti. Serdjo Mattarellanyń Astana men Rim arasyndaǵy seriktestikti nyǵaitýǵa aitarlyqtai úles qosqanyna nazar aýdaryldy, dep habarlaidy Dalanews.kz Aqordanyń baspasóz qyzmetine silteme jasap.
Qasym-Jomart Toqaev byltyr Rimge jasaǵan resmi sapary barysynda Qazaqstan – Italiia yntymaqtastyǵyna tyń serpin bergen mańyzdy ýaǵdalastyqtarǵa qol jetkizilgenine toqtaldy.
– Italiia Qazaqstannyń úsh iri saýda seriktesteriniń biri bolyp qala beredi. Ekonomikalyq yqpaldastyǵymyz óte qarqyndy damyp keledi jáne ony odan ári arttyrýdyń áleýeti zor. Sizdiń elińizdiń eksportty ulǵaitý jónindegi josparyn quptaimyz. Italiianyń sońǵy 20 jylda ekonomikamyzǵa quiǵan investitsiiasy 7,6 milliard dollarǵa jetti. Búginde qazaq jerinde 250 italiialyq kompaniia tabysty jumys istep jatyr, – dedi Qasym-Jomart Toqaev.
Memleket basshysy yntymaqtastyqty tereńdetýdiń perspektivti baǵyttaryn aiqyndady. Onyń ishinde asa mańyzdy shikizat materialdary, munai himiiasy, mashina jasaý, kólik-logistika, jeńil ónerkásip, taǵam ónimderin qaita óńdeý, jasandy intellekt, qarjy, týrizm jáne bilim berý salalaryna basa mán berildi.
Taraptar eki el BUU men basqa da halyqaralyq uiymdar aiasynda belsendi yqpaldastyq ornatqanyn atap ótti. Jemisti jumystardyń úlgisi retinde "Ortalyq Aziia pliýs" dialog alańyn, sondai-aq biyl mamyr aiynda Astanada ótken "Ortalyq Aziia – Italiia" birinshi sammitin aitýǵa bolady. Qazaqstan tarapy Italiianyń atalǵan bastamany iske asyrýǵa qoldaý kórsetkenin joǵary baǵalady.
Qasym-Jomart Toqaev Italiia Premer-ministri Djordja Melonimen ótken dostyq kezdesýdi, sondai-aq onyń Astana halyqaralyq forýmynda basty spiker retinde baiandama jasaǵanyn yqylaspen eske aldy.
Kezdesýde taraptar mádeni-gýmanitarlyq yqpaldastyq máselelerine de erekshe kóńil bóldi. Osy oraida Qazaqstan Prezidenti Astananyń ortalyq kósheleriniń birin saiahatshy Marko Polo esimimen ataý jóninde sheshim qabyldanǵanyna toqtalyp, muny qos memlekettiń berik dostyǵynyń simvoly retinde qarastyratynyn málimdedi.
Italiia Prezidenti seriktestikti odan ári nyǵaitýdyń mańyzyn atap ótip, eki el arasyndaǵy senimdi dialog pen ózara túsinistikti nyǵaitýǵa qosqan úlesi úshin Qasym-Jomart Toqaevqa rizashylyǵyn jetkizdi.
– Biz úshin bul sapardyń máni zor. Sizdiń byltyr Rimge jasaǵan saparyńyz ózara qarym-qatynastyń mańyzdy kezeńi retinde yntymaqtastyǵymyzdyń odan ári nyǵaiýyna berik negiz qalady. Bul qadamdar seriktestigimizge barlyq baǵytta erekshe sipat beredi. Mádeniet salasyndaǵy yqpaldastyǵymyz belsendi damyp keledi. Italiia Astanada Ortalyq Aziiadaǵy alǵashqy Mádeniet ortalyǵyn ashady. Elordanyń bir kóshesin Marko Polonyń qurmetine ataý týraly usynysyńyz qos memlekettiń bailanysyn odan ári tereńdetýge beiil ekenińizdi kórsetedi. Bul qoldaýyńyz úshin Sizge shynaiy rizashylyǵymdy bildiremin, – dedi Serdjo Mattarella.
Kelissóz sońynda taraptar Prezident Serdjo Mattarellanyń resmi sapary Qazaqstan – Italiia qarym-qatynasy tarihynyń jańa paraǵyn ashatynyna senim bildirdi.
Buǵan deiin Memleket basshysy Qasym-Jomart Toqaevtyń Niý-Iorktegi qyrkúiektegi úsh kúndik jumys sapary óte qarqyndy ári strategiialyq-ekonomikalyq mańyzǵa toly bolǵanyn jazǵanbyz.
