Qaraǵandy oblysynda 5 jyl boıy halyqaralyq izdeýde júrgen qylmysker ustaldy, dep habarlaıdy Dalanews.kz.

Qaraǵandy oblysynda polısıa jedel-izdestirý is-sharalary barysynda asa aýyr qylmys jasady degen kúdikpen 43 jastaǵy er adamdy quryqtady.

Atalǵan tulǵa bopsalaý qylmysy boıynsha 5 jyl boıy halyqaralyq izdeýde bolǵan.

"Arnaıy operasıa Qaraǵandy qalasynyń aýmaǵynda, jekemenshik turǵyn úılerdiń birinde júrgizildi. Tintý barysynda polısıa qyzmetkerleri arnaıy jabdyqtalǵan jasyryn oryndy anyqtap, izdeýdegi kúdiktiniń sol jerde jasyrynyp júrgenin áshkereledi. Aldyn ala derekterge sáıkes, er adam qala turǵynyn qorqytyp, kúsh qoldanyp, 117 mıllıon teńge bopsalaýǵa qatysy bar. Kúdikti uzaq ýaqyt boıy quqyq qorǵaý organdarynan boı tasalap, jasyrynyp júrgen", – dedi Qaraǵandy oblysy polısıa departamenti bastyǵynyń birinshi orynbasary Qýanysh Orynbetov.

Qazirgi ýaqytta ustalǵan azamat ýaqytsha ustaý ızolátoryna qamaýǵa alyndy. Sotqa deıingi tergeý amaldary júrgizilip jatyr.