قاراعاندى وبلىسىندا 5 جىل بويى حالىقارالىق ىزدەۋدە جۇرگەن قىلمىسكەر ۇستالدى، دەپ حابارلايدى Dalanews.kz.
قاراعاندى وبلىسىندا پوليسيا جەدەل-ىزدەستىرۋ ءىس-شارالارى بارىسىندا اسا اۋىر قىلمىس جاسادى دەگەن كۇدىكپەن 43 جاستاعى ەر ادامدى قۇرىقتادى.
اتالعان تۇلعا بوپسالاۋ قىلمىسى بويىنشا 5 جىل بويى حالىقارالىق ىزدەۋدە بولعان.
"ارنايى وپەراسيا قاراعاندى قالاسىنىڭ اۋماعىندا، جەكەمەنشىك تۇرعىن ۇيلەردىڭ بىرىندە جۇرگىزىلدى. ءتىنتۋ بارىسىندا پوليسيا قىزمەتكەرلەرى ارنايى جابدىقتالعان جاسىرىن ورىندى انىقتاپ، ىزدەۋدەگى كۇدىكتىنىڭ سول جەردە جاسىرىنىپ جۇرگەنىن اشكەرەلەدى. الدىن الا دەرەكتەرگە سايكەس، ەر ادام قالا تۇرعىنىن قورقىتىپ، كۇش قولدانىپ، 117 ميلليون تەڭگە بوپسالاۋعا قاتىسى بار. كۇدىكتى ۇزاق ۋاقىت بويى قۇقىق قورعاۋ ورگاندارىنان بوي تاسالاپ، جاسىرىنىپ جۇرگەن"، – دەدى قاراعاندى وبلىسى پوليسيا دەپارتامەنتى باستىعىنىڭ ءبىرىنشى ورىنباسارى قۋانىش ورىنبەتوۆ.
قازىرگى ۋاقىتتا ۇستالعان ازامات ۋاقىتشا ۇستاۋ يزولياتورىنا قاماۋعا الىندى. سوتقا دەيىنگى تەرگەۋ امالدارى جۇرگىزىلىپ جاتىر.
