Óskemende aiaq kiim dúkeniniń ashylýy tártipsizdikpen aiaqtaldy, dep habarlaidy Dalanews.kz.
Óskemende Bashpai aiaq kiim dúkeni ashylýynda tegin palaý taratylyp, jeńildikter uiymdastyrylǵan. Sonyń saldarynan jinalǵan halyq arasynda qoǵamdyq tártip buzylǵan.
Qala ákimdigi málimetinshe, 11 sáýirde ótken is-shara jergilikti atqarýshy organdarmen kelisilmegen. Ashylý kezinde tegin as taratý jáne taýarlardy tómen baǵamen satý kópshilik jappai jinalýyna ákep soqqan.
Saldarynan bul qoǵamdyq tártip buzylýyna jáne turǵyndardyń qaýipsizdigine qater tóndirgen.
Sot sheshimimen is-sharany uiymdastyrýshy Ákimshilik quqyqbuzýshylyq týraly kodekstiń 434-baby 1-bóligi boiynsha kináli dep tanylyp, 5 táýlikke ákimshilik qamaýǵa alyndy.
