وسكەمەندە Bashpai اياق كيىم دۇكەنى اشىلۋىندا تەگىن پالاۋ تاراتىلىپ، جەڭىلدىكتەر ۇيىمداستىرىلعان. سونىڭ سالدارىنان جينالعان حالىق اراسىندا قوعامدىق ءتارتىپ بۇزىلعان.

قالا اكىمدىگى مالىمەتىنشە، 11 ساۋىردە وتكەن ءىس-شارا جەرگىلىكتى اتقارۋشى ورگاندارمەن كەلىسىلمەگەن. اشىلۋ كەزىندە تەگىن اس تاراتۋ جانە تاۋارلاردى تومەن باعامەن ساتۋ كوپشىلىك جاپپاي جينالۋىنا اكەپ سوققان.

سالدارىنان بۇل قوعامدىق ءتارتىپ بۇزىلۋىنا جانە تۇرعىنداردىڭ قاۋىپسىزدىگىنە قاتەر توندىرگەن.

سوت شەشىمىمەن ءىس-شارانى ۇيىمداستىرۋشى اكىمشىلىك قۇقىقبۇزۋشىلىق تۋرالى كودەكستىڭ 434-بابى 1-بولىگى بويىنشا كىنالى دەپ تانىلىپ، 5 تاۋلىككە اكىمشىلىك قاماۋعا الىندى.