Bibisara Asaýbaeva Úmitkerler týrniriniń qorytyndysy boiynsha klassikalyq shahmattan álem chempiony ataǵy úshin oinaý quqyǵyn jeńip ala almaǵanyna qaramastan, ol elge júldesiz oralǵan joq, dep habarlaidy Dalanews.kz.
Týrnir erejesine sáikes, qorytyndy ekinshi oryn úshin qazaqstandyq shahmatshyǵa 17 myń eýro beriledi. Buǵan qosa, uiymdastyrýshylar ár 0,5 upai úshin 2 200 eýrodan tóleidi. Bibisaranyń qorjynynda 8 upai bar, bul oǵan qosymsha 17 600 eýro alyp keldi.
Osylaisha, Qazaqstannyń eń tanymal shahmatshylarynyń biri jalpy somasy 34 600 eýro syiaqy ielendi. Bul qazirgi baǵam boiynsha 19,3 million teńgeden sál asady.
Aita keteiik, buǵan deiin Qazaqstan ókilderi álemniń úzdik shahmatshylary qatysatyn jáne eki jylda bir ret ótetin Úmitkerler týrnirine joldama almaǵan. Sondyqtan Bibisara Asaýbaevanyń osyndai deńgeidegi jarystaǵy debiýtinde ekinshi oryn alýy – laiyqty nátije.
