Áleýmettik jelide Almaty qalasynyń ákimi Darhan Satybaldynyń merdigerlermen aǵylshyn tilinde sóilesken videosy tarady, dep habarlaidy Dalanews.kz.
Kadrlarda shahar basshysy qaladaǵy birqatar infraqurylymdyq jáne qurylys jobalarynyń tanystyrylymymen tanysyp, jaýapty mamandardan nysandardyń daiyndyǵy men aiaqtalý merzimi jóninde surap jatqanyn kórýge bolady. Videoda ákim jobalardyń halyqaralyq terminalmen bailanysy, VIP-aimaqtyń qashan paidalanýǵa beriletini jáne qurylys jumystarynyń aiaqtalý merzimi týraly saýal qoiǵan.
Sondai-aq tanystyrylym barysynda kei nysandardyń mamyr aiynyń ortasynda aiaqtalatyny, alaida kei jobalar boiynsha áli de kútý qajet ekeni aitylǵan.
Aita keteiik, buǵan deiin Almaty qalasy ákimdigi Mailin kóshesi 2026 jyly keshendi abattandyrý aiasynda jańartylatynyn málimdegen. Joba Ahmetov kóshesinen Buqtyrma kóshesine deiingi aralyqty qamtidy.
