الەۋمەتتىك جەلىدە الماتى قالاسىنىڭ اكىمى دارحان ساتىبالدىنىڭ مەردىگەرلەرمەن اعىلشىن تىلىندە سويلەسكەن ۆيدەوسى تارادى، دەپ حابارلايدى Dalanews.kz.
كادرلاردا شاھار باسشىسى قالاداعى ءبىرقاتار ينفراقۇرىلىمدىق جانە قۇرىلىس جوبالارىنىڭ تانىستىرىلىمىمەن تانىسىپ، جاۋاپتى مامانداردان نىسانداردىڭ دايىندىعى مەن اياقتالۋ مەرزىمى جونىندە سۇراپ جاتقانىن كورۋگە بولادى. ۆيدەودا اكىم جوبالاردىڭ حالىقارالىق تەرمينالمەن بايلانىسى، VIP-ايماقتىڭ قاشان پايدالانۋعا بەرىلەتىنى جانە قۇرىلىس جۇمىستارىنىڭ اياقتالۋ مەرزىمى تۋرالى ساۋال قويعان.
سونداي-اق تانىستىرىلىم بارىسىندا كەي نىسانداردىڭ مامىر ايىنىڭ ورتاسىندا اياقتالاتىنى، الايدا كەي جوبالار بويىنشا ءالى دە كۇتۋ قاجەت ەكەنى ايتىلعان.
ايتا كەتەيىك، بۇعان دەيىن الماتى قالاسى اكىمدىگى مايلين كوشەسى 2026 جىلى كەشەندى اباتتاندىرۋ اياسىندا جاڭارتىلاتىنىن مالىمدەگەن. جوبا احمەتوۆ كوشەسىنەن بۇقتىرما كوشەسىنە دەيىنگى ارالىقتى قامتيدى.
