Atap aitqanda, qymbat modelder ornatylǵan klinikalyq-simýliatsiialyq oqytý bólimi. Munda stýdentter ǵana emes, sonymen birge qalanyń jáne oblystyń dárigerleri adamdarǵa ushaqtar men poiyzdarda, avtobýs aialdamalarynda kenetten kardiohirýrgiialyq jáne insýlt bolǵan jaǵdaida alǵashqy meditsinalyq kómek kórsetýdi úirenedi.
Budan bólek, oblys basshysy joǵarǵy oqý ornynyń professorlyq-oqytýshylyq quramymen jáne stýdent-magistranttarmen kezdesti. Kezdesý barysynda ákim qatysýshylardyń nazaryn elimizdegi meditsina men farmatsevtika salasy boiynsha kadr daiarlaý sapasyna aýdardy. Iaǵni, ol quryltaishynyń oqý úderisin odan ári damytýǵa múddeli ekenin jáne aitarlyqtai qarajat salýǵa daiyn ekenin atap ótti.
– Jalpy akademiia 1979 jyly qurylǵan ózindik bazasy bar úlken joǵary oqý orny bolyp tabylady. Al endi bizdiń 3 million halqy bar oblys úshin osyndai sapaly oqý oryndary, ásirese dárigerlik oqý oryndary óte qajet. Ultynyń jarqyn bolashaǵyn oilaǵan memleket aldymen azamattarynyń densaýlyǵyna kóńil bóledi. Ózderińiz bilesizder, Elbasy jyl saiynǵy halyqqa arnaǵan Joldaýynda densaýlyq salasyna aitarlyqtai kóńil bólip keledi. Endi biz aýrýdy bolǵan kezdegi emdeýden góri, aýrýdy boldyrmaýdyń joldaryn qarastyrýymyz qajet. Osy baǵytta jumys isteýimiz kerek, – dedi oblys ákimi. Sonymen qatar, J.Túimebaev ýniversitettiń bilim berý jáne ǵylymi qyzmetindegi oń nátijelerine kóńili tolǵanyn jetkizdi.
Óz kezinde oblystyq máslihattyń depýtaty, «OQMA» AQ-nyń quryltaishysy S.Seitjanov ýniversitettiń alǵashqy qadamdaryna qysqasha toqtalyp, qosymsha aýditorlyq qormen 7205 sharshy metr bolatyn jańa ǵimarat satyp alyp jatqanyn málim etti.
– Budan basqa Bozaryq shaǵyn aýdanynda 150 gektar jerde jaqyn arada Innovatsiialyq Ýniversitet qalashyǵy boi kóteredi. Ol tek meditsina fakýltetine ǵana emes, sonymen birge mektep-bizneske de ainalady. Onda oqý ǵimarattary, sporttyq nysandar, turǵyn úi keshenderi men 1 myń oryndyq jataqhana salynbaq, – dedi S.Seitjanov.
Kezdesý sońynda oqý ornynyń rektory, meditsina ǵylymdarynyń doktory, professor M.Rysbekov ýniversitet joǵary nátijelerge qol jetkizý jolynda ekenin óitkeni investor bilim berý úderisin damytýǵa jáne bilim berý keńistigin jetildirýge yqpal etip, qoldaitynyn aitty.
Aita keteiik, 2017-2018 oqý jylynda meditsina akademiiasynda 3771 stýdent bilim alsa, onyń 238 sheteldik jastar. Ondaǵy bilim alýshylarǵa úsh tilde 300-den astam professorlyq-oqytýshylyq quram sabaq beredi.
OQO ákiminiń baspasóz qyzmeti
