– Ótken jyly Ulttyq arnada jumys isteý úshin bárin tastadym. Bul bir esten ketpes shaq boldy. Jańa telemaýsym daiarladyq. Jańa stýdiialar, jańa imidj, jańa grafika, jańa jobalar. Eń bastysy – rebrending. Bul men úshin keremet tájiribe boldy, ol maǵan bolashaqta mindetti túrde kerek bolady, – degen Dinara Sátjan ketýiniń sebebin bylai túsindirdi.
– Endi jeke biznesime kóbirek kóńil bólemin. Biraq, men áli de shtattan tys keńesshi bolyp qala beremin. Sondyqtan da sizder korporatsiiada bolyp jatqan barlyq jańalyqtardan habardar bolasyzdar, – dedi ol.
Aita keteiik, Dinara Sátjan 2017 jyldyń maýsym aiynda Erlan Qarinniń keńesshisi qyzmetine taǵaiyndalǵan bolatyn. Telejúrgizýshi basshylyqqa kele salysymen, qoǵam ókilderi onyń qyzmetine qarsy boldy. Kópshilik, orys tildi mamannyń Ulttyq arna basshylyǵyna sai emestigin aitqan edi. Sátjannyń qurbysy Baian Alagózova Ulttyq arnanyń tapsyrysy boiynsha “Qozy Kórpesh – Baian Sulý” telehikaiasyn túsirgennen keiin daý ýshyǵa tústi.
