– وتكەن جىلى ۇلتتىق ارنادا جۇمىس ىستەۋ ءۇشىن ءبارىن تاستادىم. بۇل ءبىر ەستەن كەتپەس شاق بولدى. جاڭا تەلەماۋسىم دايارلادىق. جاڭا ستۋديالار، جاڭا يميدج، جاڭا گرافيكا، جاڭا جوبالار. ەڭ باستىسى – رەبرەندينگ. بۇل مەن ءۇشىن كەرەمەت تاجىريبە بولدى، ول ماعان بولاشاقتا مىندەتتى تۇردە كەرەك بولادى، – دەگەن دينارا ءساتجان كەتۋىنىڭ سەبەبىن بىلاي ءتۇسىندىردى.
– ەندى جەكە بيزنەسىمە كوبىرەك كوڭىل بولەمىن. ءبىراق، مەن ءالى دە شتاتتان تىس كەڭەسشى بولىپ قالا بەرەمىن. سوندىقتان دا سىزدەر كورپوراسيادا بولىپ جاتقان بارلىق جاڭالىقتاردان حاباردار بولاسىزدار، – دەدى ول.
ايتا كەتەيىك، دينارا ءساتجان 2017 جىلدىڭ ماۋسىم ايىندا ەرلان ءقاريننىڭ كەڭەسشىسى قىزمەتىنە تاعايىندالعان بولاتىن. تەلەجۇرگىزۋشى باسشىلىققا كەلە سالىسىمەن، قوعام وكىلدەرى ونىڭ قىزمەتىنە قارسى بولدى. كوپشىلىك، ورىس ءتىلدى ماماننىڭ ۇلتتىق ارنا باسشىلىعىنا ساي ەمەستىگىن ايتقان ەدى. ءساتجاننىڭ قۇربىسى بايان الاگوزوۆا ۇلتتىق ارنانىڭ تاپسىرىسى بويىنشا “قوزى كورپەش – بايان سۇلۋ” تەلەحيكاياسىن تۇسىرگەننەن كەيىن داۋ ۋشىعا ءتۇستى.
