Ońtústikte epizootiialyq ahýal qalypty deńgeide
Onyń aitýynsha, qazirgi ýaqytta naýryz aiyndaǵy jospar tolyǵymen oryndalyp, sáýir aiyndaǵy oryndalatyn is-sharalar atqarylýda. Qutyrý aýrýynyń aldyn alý boiynsha 172 mln. teńge qarjy qaralyp, 13 832 qańǵybas it-mysyqtar aýlanyp joiylǵan.
– Oblys kóleminde veterinariialyq qaýipsizdikti qamtamasyz etý maqsatynda 49 dana tiptik úlgidegi «Bekkari» shuńqyry, 272 dana qarapaiym ólekse tastaityn shuńqyr jáne 14 dana arnaiy pesh qarastyrylǵan. Al enzootiialyq aýrýlardyń aldyn alý boiynsha oblystyq biýdjetten 391 mln. teńge qaralyp otyr. Qazirgi tańda úi irgelik qoralar men japsarlas aýmaqtary, mal iirimderi jáne sýattarǵa zalalsyzdandyrý jumystary júrgizilýde, – dedi Tillábek Januzaquly.
Sondai-aq, 50 ishki saýda orny men 34 mal bazarda azyq-túlik qaýipsizdigin qamtamasyz etý úshin veterinariialyq-sanitariialyq obektilerge jaýapty mamandar bekitilip, kúndelikti baqylaý jáne qadaǵalaý jumystary atqarylyp otyr.
Budan ózge, QR AShM veterinariialyq baqylaý jáne qadaǵalaý kommitetiniń «Janýarlardyń asa qaýipti aýrýlarynyń diagnostikasy men profilaktikasy boiynsha 2018 jylǵa arnalǵan veterinariialyq is-sharalardyń josparyna» sáikes, oblysta aýyl sharýashylyǵyndaǵy maldar arasyndaǵy indetti aýrýlardyń 13 túrine qarsy qajetti vaktsinalar jetkizilip, egý sharalary tegin júrgizilýde.
OQO ákiminiń baspasóz qyzmeti
https://dalanews.kz/35251
