وڭتۇستىك قازاقستان وبلىسىندا بەكىتىلگەن جوسپارعا سايكەس جانۋارلار اراسىنداعى اسا جۇقپالى اۋرۋلاردىڭ الدىن الۋ بويىنشا ۆاكسينا ەگۋ جانە اللەرگيالىق تەكسەرۋلەرگە قاجەتتى دوزالار ۋاقىتىندا جەتكىزىلىپ، الدىن الۋ جۇمىستارى مەرزىمىندە ورىندالۋدا. بۇگىنگى تاڭدا وبلىس كولەمىندەگى ەپيزووتيالىق احۋال تۇراقتى دەيگەيدە. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە ق ر اشم ۆەتەريناريالىق باقىلاۋ جانە قاداعالاۋ كوميتەتىنىڭ وقو بويىنشا اۋماقتىق ينسپەكسياسىنىڭ باسشىسى سەيىلبەكوۆ تىللابەك ءمالىم ەتتى.



ونىڭ ايتۋىنشا، قازىرگى ۋاقىتتا ناۋرىز ايىنداعى جوسپار تولىعىمەن ورىندالىپ، ءساۋىر ايىنداعى ورىندالاتىن ءىس-شارالار اتقارىلۋدا. قۇتىرۋ اۋرۋىنىڭ الدىن الۋ بويىنشا 172 ملن. تەڭگە قارجى قارالىپ، 13 832 قاڭعىباس يت-مىسىقتار اۋلانىپ جويىلعان.

– وبلىس كولەمىندە ۆەتەريناريالىق قاۋىپسىزدىكتى قامتاماسىز ەتۋ ماقساتىندا 49 دانا تيپتىك ۇلگىدەگى «بەككاري» شۇڭقىرى، 272 دانا قاراپايىم ولەكسە تاستايتىن شۇڭقىر جانە 14 دانا ارنايى پەش قاراستىرىلعان. ال ەنزووتيالىق اۋرۋلاردىڭ الدىن الۋ بويىنشا وبلىستىق بيۋدجەتتەن 391 ملن. تەڭگە قارالىپ وتىر. قازىرگى تاڭدا ءۇي ىرگەلىك قورالار مەن جاپسارلاس اۋماقتارى، مال يىرىمدەرى جانە سۋاتتارعا زالالسىزداندىرۋ جۇمىستارى جۇرگىزىلۋدە، – دەدى تىللابەك جانۇزاق ۇلى.

سونداي-اق، 50 ىشكى ساۋدا ورنى مەن 34 مال بازاردا ازىق-تۇلىك قاۋىپسىزدىگىن قامتاماسىز ەتۋ ءۇشىن ۆەتەريناريالىق-سانيتاريالىق وبەكتىلەرگە جاۋاپتى ماماندار بەكىتىلىپ، كۇندەلىكتى باقىلاۋ جانە قاداعالاۋ جۇمىستارى اتقارىلىپ وتىر.

بۇدان وزگە، ق ر اشم ۆەتەريناريالىق باقىلاۋ جانە قاداعالاۋ كومميتەتىنىڭ «جانۋارلاردىڭ اسا ءقاۋىپتى اۋرۋلارىنىڭ دياگنوستيكاسى مەن پروفيلاكتيكاسى بويىنشا 2018 جىلعا ارنالعان ۆەتەريناريالىق ءىس-شارالاردىڭ جوسپارىنا» سايكەس، وبلىستا اۋىل شارۋاشىلىعىنداعى مالدار اراسىنداعى ىندەتتى اۋرۋلاردىڭ 13 تۇرىنە قارسى قاجەتتى ۆاكسينالار جەتكىزىلىپ، ەگۋ شارالارى تەگىن جۇرگىزىلۋدە.

وقو اكىمىنىڭ باسپا ءسوز قىزمەتى

 

https://dalanews.kz/35251