Qazaqstan azamattary bank sektoryna senedi jáne múmkindik bolsa depozitterde aqsha jinaýǵa tyrysady.
Dalanews.kz portaly «Karjylyq keńesshi» aidary aiasynda jeke qarjy menedjmenti, aqshany jinaý men paidalaný, nesie túrlerine arnalǵan maqalalar seriiasyn jariialai bastady.
Búgin biz bank naryǵyndaǵy depozit túrleri men árqaisysynyń artyqshylyqtaryna toqtalmaqpyz. Qarjyny qalai jinaǵan durys? Ár jaǵdaida salymnyń qai túri yńǵaily?
Qazaqstannyń depozitterge kepildik berý qory salymdardyń jiktemesin bekitip, olardy merzimsiz, merzimdi jáne jinaq dep úsh sanatqa bólgen. Jáne bankter depozit sharttaryn osy sanat boiynsha jasaqtaýy tiis.
Merzimsiz depozit
Eger kútpegen jaǵdailarǵa aqshalai qor jinaý qajet bolsa, merzimsiz salymdy tańdańyz. Oǵan eshqandai shekteýsiz aqsha salýǵa jáne alýǵa bolady. Mysaly, siz aldyn-ala ne bolatynyn bilmeisiz. Biraq ondai jaǵdaiǵa qarjylai daiyn bolǵyńyz keledi. Mundai kezde eń tiimdisi – merzimsiz depozit.
Merzimdi depozit
Iri kólemde aqsha jinaǵyńyz keledi. Biraq kerek kezinde merziminen buryn aqsha alý múmkindigi qajet. Sebebi, qai jaǵdaida aqsha kerek bolyp qalaryn tolyq bilmei tursyz. Merzimdi depozitke iri kólemde aqsha salýǵa bolady. Ol salymdy kez-kelgen ýaqytta tolyqtyryp otyrýǵa da ruqsat bar. Merziminen buryn aqsha alýǵa da bolady. Tek, eger shartta bekitilgen merzimnen buryn depozitten qarjy sheshseńiz, bank syiaqysynan qaǵylasyz.
Jinaq depoziti
Eger barynsha tiimdi mólsherleme arqyly tezirek aqsha jinaǵyńyz kelse – jinaq depozitti tańdańyz. Depozittiń bul túri tolyqtyrýǵa bolatyn jáne bolmaityn dep ekige bólinedi. Jinaq depozitiniń syiaqy deńgeii joǵary bolady. Onda óte tiimdi sharttarmen aqsha jinaqtaý múmkindigi barshylyq.
Qazaqstannyń depozitterge kepildik berý qorynyń ár depozittiń sipatyn bólip kórsetken kestesine nazar aýdaryp, onyń ishinen ózińizge qajettisin anyqtaýǵa keńes beremiz.
Derekkóz: «Qazaqstannyń depozitterge kepildik berý qory» AQ
Qazaqstannyń depozitterge kepildik berý qory tarapynan merzimsiz, merzimdi jáne jinaq salymdar boiynsha eń joǵary mólsherlemeler ai saiyn jariialanyp otyrady. Merzimsiz salymdar boiynsha eń joǵary mólsherleme Qazaqstannyń Ulttyq Bankisiniń bazalyq mólsherlemesi negizinde, al merzimdi jáne jinaq salymdar boiynsha - naryqtyq mánder negizinde esepteledi.
Jalpy, depozit tańdaǵanda onyń jyldyq tiimdi syiaqy mólsherlemesine, sharttaryna, ashý men tolyqtyryp otyrýdyń, sondai-aq aqshany sheshýdiń yńǵailylyǵyna jáne eń bastysy banktiń turaqtylyǵyna nazar aýdarý kerek.
Mysaly, Bank VTB (Qazaqstan) arqyly depozitti eshqaida barmai-aq onlain ashýǵa bolady.
Ol úshin smartfonnan Play Market nemese App Store dúkenderine kirip, «VTB KZ Online» qosymshasyn júktep alýyńyz kerek. Depozitti onlain arqyly tipti bar-joǵy 1000 tengeden bastap ashýǵa bolady. Al eger Bank VTB (Qazaqstan) bólimshesinen salym ashatyn bolsańyz, minimaldy soma 15 000 teńgeni quraidy. Onlain-rásimdeý tiimdirek
Bul jerde banktiń qarjylyq turaqtylyǵyn siz halyqaralyq reiting agenttikteriniń reitingi arqyly teksere alasyz. Turaqty degen banktiń reitingi álemdegi reitingtiń ortalyq markerine ainalǵan Standard and Poor's agenttiginiń metrikasy boiynsha «B» deńgeiinen tómen bolmaýy kerek. Mysaly, Bank VTB (Qazaqstan) reitingi Standard and Poor's boiynsha "turaqty" boljamymen "BB+/B" quraidy. Bul – bank óte turaqty degen sóz.
Dalanews.kz qarjy keńesshisi sizdiń jeke aqsha menedjmentińizdi jaqsartýǵa arnalǵan. Qarjylyq saýattylyq sizdi alaiaqtardan qorǵap, nesieni barynsha jeńil sharttarmen alýǵa, depozitte tiimdi qarjy jinaýǵa jáne aqshańyzdy únemdeýge jol ashady. Buǵan deiin biz kepilzatsyz nesielerdiń artyqshylyqtary men kemshilikterin saralaǵan bolatynbyz.
2020 jylǵy 3 aqpandaǵy №1.2.14/39 QR QNRDA litsenziiasy.
