Túrkistannyń kirpishine suranys joǵary
Túrkistannyń kirpishine suranys joǵary. Qalasynyń aýmaǵynda qazir jylyna 22 mln. dana kirpish shyǵarylady. Bul qajetti deńgeiden eki esedei az. Qalada qurylys qarqyny joǵary. Jyl saiyn shamamen 40 mln. dana kirpish qajet.
Respýblikadaǵy qurylysshylar Túrkistandaǵy kirpish óndirisine qajetti shikizattyń sapasy joǵary ekenine aitady. Kóne qaladaǵy Qoja Ahmet Iasaýidyń kesenesin salarda Aqsaq Temirdiń biraz jerdiń topyraǵynan kirpish quidyryp, olardy synaqtan ótkizipti. Kirpishtiń sapasyn onyń beriktigine, aýa raiynyń tosyn jaǵdailaryna tózimdiligine, mysaly, sý men qarǵa tózimdiligine qarapty. Sonda Túrkistannyń topyraǵynan quiylǵan kirpish joǵary baǵa alypty. Keseniniń kirpishterin Túrkistanda quidyrypty. Sol kesene arada ondaǵan ǵasyr ótse de baiaǵy kúiinde tur.
Túrkistanmen kórshiles oblystar men aýdan, qalalardan kelgen tutynýshylar da Túrkistannyń kirpish zaýyttaryna tapsyrys beredi. Kásipkerlerdiń Túrkistan topyraǵynan óndirilgen kirpisherge qumarlyǵy osydan. Kóne qaladaǵy kirpish zaýyttarynyń ónimine tapsyrys joǵary bolýynyń negizgi syry osynda.
Qala basshylyǵy «Túrkistandaǵy indýstriialyq aimaqtyń jalpy aýmaǵy 40 gektar» dedi. Aimaqqa avtomabil joly, temir jol salynǵan. Elektr qýaty jetkizilgen. Aýyz sý, tehnikalyq sý, júieleri tartylǵan. Egerde aimaqta salynatyn kásiporyndar kóbeigen jaǵdaida onyń kólemin ulǵaitýǵa da múmkindik mol.
-Túrkistan qalasyndaǵy indýstrialdyq aimaqta óndirilgen ónimdi syrtqa tasymaldaý da ońai. Túrkistan toǵyz joldyń torabynda tur. «Almaty-Máskeý» temir joly, «Batys Qytai – Batys Eýropa» avtodálizi rýhani astana arqyly ótedi. Logistikalyq múmkindigi mol bolǵandyqtan salatyn jańa kásiporyndy bizdegi indýstrialdy aimaqta ornalastyrýǵa niet bildirgen investorlar kóp, -deidi qala basshylyǵy.
