Túrkistandyq kásipkerler jaqsylyq jasaýdan jarysýda
Máselen, Otyrar aýdanynda quny 248 mln. teńgeni quraityn sport kesheni men boks zaly sportsúier jastarǵa esigin aiqara ashty. Al, Báidibek aýdanynda 14,3 shaqyrym jolǵa «Aqyldy sham» jelisi ornatylǵan. Bul igi iske demeýshi kásipker quny 195 mln. teńge jumsaǵan.
Qazyǵurt aýdanyndaǵy quny 100 mln. teńge quraityn Salqam Jáńgir han men Jalańtós bahadúrge arnalǵan memorialdyq kesheni, Kentaý qalasyndaǵy quny 80 mln. teńgeni jáne Saryǵash aýdanyndaǵy quny 50 mln teńge quraityn sport keshenderi de elge qyzmet etýde. Tólebi aýdanynda ashylǵan «KazMed» meditsinalyq ortalyǵy, Sairam aýdanynda 125 oryndyq balabaqsha jáne ózge de áleýmettik nysandar týǵan jerin súietin kásipkerlerdiń kómegimen salynǵan.
Metsenattardyń eńbegin qoldaý maqsatynda 2018 jylǵy shilde-qazan ailarynda 16 aýdan, qalada «Jomart júrek» syilyǵynyń 1-kezeńi ótkizilip, oblystyq deńgeidegi qorytyndy jiynda 20 azamat marapattalǵan.
Aita ketelik Túrkistan óńirinde «Týǵan jer» baǵdarlamasynyń aiasynda jalpy quny 31,5 mlrd teńgeni quraityn 577 joba qolǵa alynǵan.
