Sairam aýdanyna arnaiy jumys saparymen kelip, diqandardyń tynys-tirshiligimen tanysty. Aimaq basshysymen júzdesken sharýa qojalyqtary men jylyjailardyń ieleri óz máselesin ortaǵa saldy. Ómirzaq Estaiuly ótpeli kezeńniń qiyndyqtaryna tótep berip, alańdamaýǵa shaqyrdy. Kerisinshe, jumysty kúsheitýdi tapsyrdy.
– Sharýalar nazardan tys qalmaidy. Eldegi tótenshe jaǵdaiǵa bailanysty aýyl sharýashylyǵy salasynyń aqsaýyna jol berilmeidi. Kerisinshe, qaita jumysty kúsheitý qajet. Memleket tarapynan qoldaý kórsetiledi. Qosymsha qajettilikter týyndap jatsa, qarastyrylady. Bul kezeń otandyq ónim kólemin arttyrýǵa úlken múmkindik. Oblysta azyq-túlik qory jetkilikti, baǵalardy negizsiz ósirýge jol berilmeidi, – dedi oblys ákimi.
Aýyl sharýashylyǵy ónimderimen tolyq qamtamasyz etý maqsatynda sharýa qojalyq ieleri egistik jerden eki-úsh ret ónim alýdy toqtatpaimyz dep otyr. Aýdandaǵy birneshe sharýa qojalyqtardyń jumysymen tanysqan Túrkistan oblysynyń ákimi Ómirzaq Shókeev sairamdyqtardyń eńbekqorlyǵyn qup kórdi.
Ómirzaq Shókeev Sairam aýdanyndaǵy quramajem shyǵaratyn zaýyttyń ujymymen kezdesti. Osyǵan deiin Ózbekstan, Aýǵanstan, Iran elderine eksport jasaityn óndiris ornynyń jumysy josparǵa sáikes júrip jatyr. Aimaq basshysy Qolkent aýyl okrýgindegi injenerlik - kommýnikatsiialyq júieleriniń qurylysy nysanynda boldy. Mekeme aýyz sý, elektr jelisi, sý qubyry jobalaryn iske asyrady.
Túrkistan oblysy ákiminiń baspasóz qyzmeti
