Qaýipti dertke qarsy kúres kúsheıgen saıyn, el arasynda saqtyq sharalaryn qolǵa alý artqan. Vırýstan qorǵaný quralynyń biri – betperde. Sondyqtan Túrkistan oblysynda halyqty medısınalyq maskamen tolyq qamtýǵa asa mán berilip otyr.

Osyǵan oraı Túrkistan oblysyndaǵy barlyq aýdandar jappaı betperde tigýdi júzege asyryp, turǵyndarynyń suranysyn tolyq qamtamasyz etpek.

Saıram aýdanyndaǵy «GOLDEN NOMAD» ALTYN ADAM» jaýapkershiligi shekteýli seriktestigi betperdeniń san alýan túrin tigýge iri kólemde tapsyrys aldy.

Munda 80-nen asatyn jumysshy kúnine 30 myń maska tigýdi qolǵa alyp, jumysty bastap ketti. Oblys ákimi Ómirzaq Shókeev sehtyń jumys barysymen tanysty. Jumysshylar qajettilikke qaraı maska mólsherin kóbeıtip tigýge múmkindikteri baryn jetkizdi.

Sonymen qatar, nátıjeli jumyspen qamtý jáne jappaı kásipkerlikti damytý baǵdarlamasy aıasynda, ataýly áleýmettik kómek alýshylardyń arasynda qarjylaı kómek alǵan 65 tiginshi kúnine 5500 dana medısınalyq maska tigý jumystarymen aınalysýda. Qazirgi tańda Saıram aýdanyndaǵy 10 myńǵa jýyq az qamtamasyz etilgen azamattardy tegin medısınalyq maskamen qamtý sharalary júzege asyrylýda

Túrkistan oblysy ákiminiń baspasóz qyzmeti