Eki apta boıy kúsheıtilgen rejımde jumys istegen 500-ge jýyq medısına qyzmetkeri Naýryz meıramy qarsańynda syıaqy aldy.
Elimizdiń Prezıdenti Qasym-Jomart Toqaev búgingi tańda epıdemıologıalyq tártipti saqtaýǵa atsalysyp júrgen medısına qyzmetkerlerin materıaldyq túrde yntalandyrýdy tapsyrǵan bolatyn.
Koronavırýsqa qarsy ótkiziletin is-sharalarǵa tikeleı qatysyp júrgen mamandarǵa syıaqy berý úshin oblys ákimdiginiń rezervinen 91,2 mıllıon teńgeden astam qarajat bólindi. 490 medısına qyzmetkerine syıaqy beriletin boldy.
Pavlodar oblysy ákimdiginde ótken aparattyq keńes barysynda óńir basshysy Ábilqaıyr Sqaqov medısına qyzmetkerleriniń eńbek jaǵdaıyna nazar aýdardy. Ol jergilikti jerlerde medısınalyq qyzmetkerlerge barynsha kómek kórsetýdi, olardyń qalypty demalýyna jaǵdaı jasaýdy jáne olardyń fızıkalyq jáne psıhologıalyq jaǵdaıyn baqylaýdy talap etti.
