Túrkistandaǵy tý tuǵyrdyń biiktigi 62,5 metrdi quraidy. Bairaqtyń eni 12 metr bolsa, uzyndyǵy – 24 metr.
Merekelik is-sharada kontserttik baǵdarlama usynylyp, otanshyldyqty dáripteitin ánder shyrqaldy. Is-shara «Kók týdyń jelbiregeni» ánimen túiindelip, túrkistandyqtar bir-birin merekemen quttyqtady.
Byltyrdan bastap Respýblika kúnine ulttyq mereke mártebesi qaitaryldy. Bul – táýelsiz elimiz úshin mańyzdy sheshimderdiń biri. Respýblika kúni – qazaq halqynyń memleket qurý jolyndaǵy tarihi qadamynyń simvoly.
Bul deklaratsiia Qazaqstannyń bolashaq táýelsizdiginiń irgetasy boldy. Deklaratsiia arqyly Qazaqstannyń jeke territoriiasy, azamattyǵy, memlekettik biýdjeti, halyqaralyq qatynastardaǵy derbestigi, saiasi joly bekitildi.
Sondyqtan da Respýbika kúnin eldiń eńsesin kóterip, otanshyldyqty dáripteitin bastamalarmen atap ótý – mańyzdy. Memlekettik tý – eldiktiń belgisi. Azattyqtyń aibary. Memlekettik rámizderdi qurmetteý – otanshyldyq.
Biyl da Túrkistan jurtshylyǵy mańyzdy merekeni joǵary deńgeide atap ótip, memlekettik rámizder dáripteldi.
