Muz aidynynda munda paraolimpiadalyq, iaǵni shanaly hokkeige de jaǵdai jasalyp otyr. Hokkeidiń bul túrimen ainalysýǵa arnalǵan muz arenasy elimizde ekeý ǵana. Onyń biri Astanada bolsa, ekinshisi – búgin Taldyqorǵanda ashylyp otyr.
Ǵimarattyń ashylý saltanatyna qatysqan Taldyqorǵan qalasynyń ákimi Ernat Bázil jinalǵan qaýymdy merekemen quttyqtap, aqjarma tilegin bildirdi.
– Oblysta buqaralyq sportty damytýǵa turaqty qoldaý kórsetilip, biyl osy salaǵa biýdjetten 20,5 mlrd teńge bólindi. «Jetisý arena» muz arenasyn salýǵa jergilikti kásipker 867 million jeke investitsiia quiyp, búgin sol kórnekti sport nysanyn iske qosyp otyr. Osy rette Taldyqorǵanda qysqy sportty damytýǵa qosyp otyrǵan zor úlesi úshin kásipker Muhametjan Serikulyna shynaiy alǵysymdy bildiremin, – dedi óz sózinde Ernat Dúisenbekuly.
Nysannyń jalpy alańy 2 235,8 sharshy metr. Keshen kásibi tehnologiialyq quraldarmen – tońazytqysh qural, muz quiý quraly, sporttyq quraldarmen jabdyqtalǵan. Sonyń arqasynda munda jyl boiy úzdiksiz jattyǵýǵa múmkindik bar. Muz alańynyń aýmaǵy 1 456 sharshy metr.
