مۇز ايدىنىندا مۇندا پاراوليمپيادالىق، ياعني شانالى حوككەيگە دە جاعداي جاسالىپ وتىر. حوككەيدىڭ بۇل تۇرىمەن اينالىسۋعا ارنالعان مۇز ارەناسى ەلىمىزدە ەكەۋ عانا. ونىڭ ءبىرى استانادا بولسا، ەكىنشىسى – بۇگىن تالدىقورعاندا اشىلىپ وتىر.
عيماراتتىڭ اشىلۋ سالتاناتىنا قاتىسقان تالدىقورعان قالاسىنىڭ اكىمى ەرنات ءبازىل جينالعان قاۋىمدى مەرەكەمەن قۇتتىقتاپ، اقجارما تىلەگىن ءبىلدىردى.
– وبلىستا بۇقارالىق سپورتتى دامىتۋعا تۇراقتى قولداۋ كورسەتىلىپ، بيىل وسى سالاعا بيۋدجەتتەن 20،5 ملرد تەڭگە ءبولىندى. «جەتىسۋ ارەنا» مۇز ارەناسىن سالۋعا جەرگىلىكتى كاسىپكەر 867 ميلليون جەكە ينۆەستيسيا قۇيىپ، بۇگىن سول كورنەكتى سپورت نىسانىن ىسكە قوسىپ وتىر. وسى رەتتە تالدىقورعاندا قىسقى سپورتتى دامىتۋعا قوسىپ وتىرعان زور ۇلەسى ءۇشىن كاسىپكەر مۇحامەتجان سەرىكۇلىنا شىنايى العىسىمدى بىلدىرەمىن، – دەدى ءوز سوزىندە ەرنات دۇيسەنبەك ۇلى.
ايتا كەتەيىك، جالپى وبلىستا قىسقى سپورت تۇرلەرىمەن 1،4 پايىز ادام اينالىسادى. ەندىگى جەردە بۇل نىسان جاستاردىڭ قىسقى سپورت تۇرلەرىنە دەگەن قىزىعۋشىلىعىن ارتتىرۋعا سەپتىگىن تيگىزەتىن بولادى.
نىساننىڭ جالپى الاڭى 2 235،8 شارشى مەتر. كەشەن كاسىبي تەحنولوگيالىق قۇرالدارمەن – توڭازىتقىش قۇرال، مۇز قۇيۋ قۇرالى، سپورتتىق قۇرالدارمەن جابدىقتالعان. سونىڭ ارقاسىندا مۇندا جىل بويى ۇزدىكسىز جاتتىعۋعا مۇمكىندىك بار. مۇز الاڭىنىڭ اۋماعى 1 456 شارشى مەتر.
