№4 balalar kitaphanasynda, sondai-aq zaǵip jáne kóz janary nashar kóretin azamattarǵa arnalǵan mamandandyrylǵan kitaphananyń biyl materialdyq-tehnikalyq bazasy jańartylyp, zamanaýi ergonomikalyq jihaz qoiyldy. Dizainermen jumys júrgizilip, ǵimarttyń qasbeti jańartylǵan bolatyn. Sonymen qatar kitaphanalardyń biri ornalasqan úidiń qabyrǵasynda mýral jasaý boiynsha sýretshilermen jumys júrgizdi.
Zaǵip jáne kóz janary nashar kóretin azamattarǵa arnalǵan mamandandyrylǵan kitaphanada jańa jabdyq ornatyldy. «Oqý mashinasy» sóileý sintezi bar kompiýterlik tiflokeshenmen jabdyqtaldy. Onyń kómegimen kóz janary nashar kóretin oqyrmandar kitap oqyp, oqyǵan dúnielerin óńdep, basyp shyǵara alady.
– Kitaphana qyzmetkerlerin kásibi merekelerimen quttyqtaimyn! Búgin –Qazaqstan Jazýshylar odaǵynyń elordalyq filialynda sizderdiń aǵartý baǵytyna qosqan úlesterińiz erekshe aityldy. Jazýshylar men kitaphanashylar – bul ajyramas júie, onyń júregi – oqyrman. Sondyqtan kitaphanany jańartý – shyǵarmashylyq dúnieni unatatyndar úshin úlken qýanysh, – dedi Astana ákiminiń orynbasary Eset Baiken kitaphananyń ashylý saltanatynda.
Kópshilikke jańǵyrtylǵan oqý zaldaryn kórsetilgennen keiin kitaphana júiesi qyzmetkerlerin marapattaý rásimi ótti.
Aita keteiik, búginde elordada 78 000-nan astam oqyrman baratyn 18 qoǵamdyq qalalyq kitaphana jumys isteidi. Barlyq derlik kitaphanalar oqý, jumys jáne shyǵarmashylyq damý úshin ashyq keńistikke ainalǵan.
Olardyń kópshiliginde tegin úiirmeler, qyzyǵýshylyq klýbtary jáne mádeni ortalyqtar jumys isteidi.
Jańa 2024 jyly qalanyń ár aýdanynda taǵy tórt jańa kitaphana ashý josparlanyp otyr.
