Túrkistanda Orta Aziiadaǵy eń úlken saýda kesheni ashylady
Túrkistan qalasynda keler jyldyń qańtar aiynda tutynýshylar men taýar óndirýshilerdi tikelei bailanystyratyn «Grand Bazar Yassy & EcoBazar» saýda ortalyǵy ashylady. Saýda nysanynyń basty ereksheligi - jergilikti turǵyndar men kelýshilerge kez kelgen taýardy eshqandai deldalsyz kóterme baǵada usynatyn bolady. Bul týraly búgingi brifingte keshenniń bas direktory Baqnur Aiýbek málimdedi.
«Búginde diqandar óz ónimderin alyp-satarlarǵa tym arzan baǵamen ótkizýde. Al, aradaǵy alyp-satýshylar ózara kelisken túrde azyq-túlik baǵasyn jasandy kóterip jatady. Baǵany turaqtandyrý úshin - óndirýshiniń ónimdi halyqqa tikelei usynýyna qolaily jaǵdailar jasaý qajet. Túrkistan qalasynda osyndai aýqymdy jobanyń iske qosylýy - baǵany turaqtandyrýǵa jáne azyq-túlik qaýipsizdigin qamtamasyz etýge úlesin qosady» - deidi keshenniń bas direktory.
Saýda kesheniniń jalpy aýmaǵy - 14 gektar. Onda 3000-ǵa jýyq saýda oryndary bar. Bazar aimaǵynda taýar saqtaýǵa arnalǵan 300 mikroklimattyq qoimalar qarastyrylǵan. Sondai-aq, qonaq úi, demalys oryndary, oiyn-saýyq keshenderi men fýdkort bar. Aita keterligi, keshende halyqqa tiimdi baǵada azyq-túlik usynýdy qamtamasyz etý úshin aýyl sharýashylyǵy taýar óndirýshilerine oblys ákimdigi men «Túrkistan» ÁKK AQ uiymdastyrýymen 2-3% jeńildetilgen nesie beriletin bolady.
Budan bólek, ortalyq janyndaǵy avtovokzaldan Tashkent, Samarqan, Bishkek, Hiýa jáne ózge de halyqaralyq jáne respýblikaishilik baǵyttarǵa qoǵamdyq kólikter qatynaidy.
