«Búginde dıqandar óz ónimderin alyp-satarlarǵa tym arzan baǵamen ótkizýde. Al, aradaǵy alyp-satýshylar ózara kelisken túrde azyq-túlik baǵasyn jasandy kóterip jatady. Baǵany turaqtandyrý úshin - óndirýshiniń ónimdi halyqqa tikeleı usynýyna qolaıly jaǵdaılar jasaý qajet. Túrkistan qalasynda osyndaı aýqymdy jobanyń iske qosylýy - baǵany turaqtandyrýǵa jáne azyq-túlik qaýipsizdigin qamtamasyz etýge úlesin qosady» - deıdi keshenniń bas dırektory.
Saýda kesheniniń jalpy aýmaǵy - 14 gektar. Onda 3000-ǵa jýyq saýda oryndary bar. Bazar aımaǵynda taýar saqtaýǵa arnalǵan 300 mıkroklımattyq qoımalar qarastyrylǵan. Sondaı-aq, qonaq úı, demalys oryndary, oıyn-saýyq keshenderi men fýdkort bar. Aıta keterligi, keshende halyqqa tıimdi baǵada azyq-túlik usynýdy qamtamasyz etý úshin aýyl sharýashylyǵy taýar óndirýshilerine oblys ákimdigi men «Túrkistan» ÁKK AQ uıymdastyrýymen 2-3% jeńildetilgen nesıe beriletin bolady.
Budan bólek, ortalyq janyndaǵy avtovokzaldan Tashkent, Samarqan, Bishkek, Hıýa jáne ózge de halyqaralyq jáne respýblıkaishilik baǵyttarǵa qoǵamdyq kólikter qatynaıdy.
