Esterińizge salsaq, 22 jeltoqsanda «Nur Otan Trends» pikirtalas alańynyń kezekti jıyny ótken bolatyn. Kezdesý barysynda sarapshylar qazaqstandyqtardyń basty baǵdaryna aınalǵan Elbasynyń «Eldiktiń jeti tuǵyry» qaǵıdattar jıyntyǵyn talqylap, Qazaqstandaǵy ózekti qoǵamdyq-saıası máseleler boıynsha pikir almasty.
«Qoǵamdyq qabyldaýlarda 160 myńnan astam qabyldaýlar ótti. Onyń 98 paıyzdan astam máselesi sheshildi. 2020 jyldyń basty jańalyǵy – ol praımerız boldy. Qandaı máseleler halyqty mazalaıtynyn praımerız kezindegi kezdesýler arqyly kóz jetkizdik. Sonyń qorytyndysy retinde úlken saılaýaldy baǵdarlamasy jasaldy», – dedi depýtat E.Beısenbaev.
Sondaı-aq, depýtat partıanyń 20 jyldaǵy qyzmetiniń qorytyndysyna keńinen toqtalyp, Elbasynyń myna sózderin tilge tıek etti: «Elbasynyń jaqsy bir sózi bar: «Bas partıa bolý degen, ol tek qana basqarý emes, ol halyqtyń muń-muqtajyna, halyqtyń únine qulaq asyp, sony iske asyrý».
Sonymen qatar, kezdesýge qatysýshylar Elbasynyń «Eldiktiń jeti tuǵyry» qaǵıdattar jıyntyǵyn júzege asyrýdyń mańyzdylyǵyn, olardyń halyq pen el úshin syndarly mánin atap ótti.
Pikirtalasqa qatysqan QSZI dırektorynyń orynbasary A.Joldybalına Qazaqstan strategıalyq zertteýler ınstıtýty júrgizetin túrli zertteýlerdiń salystyrmaly taldaýy partıa jumysynyń tıimdiligi men halyqtyń bılik ınstıtýttaryna degen seniminiń artqany týraly dálel bola alady dedi.
Ol bul týraly oıyn «Halyqtyń bılikke, bılik ınstıtýttaryna degen senimi negizgi ındıkatorlardyń biri bolyp tabylady. Bizdiń ınstıtýt barlyq áleýmettik zertteýlerge júıeli túrde taldaý júrgizedi jáne negizgi tujyrymdar uqsas. Qazaqstandyqtar arasynda qoǵamdyq ınstıtýttarǵa degen senim jalpy trendke aınalyp, ósip keledi. Munyń sebebi qoǵamdaǵy sapaly ózgeristerge, memlekettiń balalarǵa, áıelderge degen qarym-qatynasyna jáne t.b. baılanysty», - dep naqty aıtty.
Sondaı-aq, A.Joldybalına Elbasy usynǵan negizgi baǵdarlardyń aspektileri jóninde bylaı dedi: «Jalpy eldiktiń jeti tuǵyry – bul úlken ıdeologıalyq konstrýkt. Osy baǵyttardyń aıasynda jeti kıeli qundylyqtardy saqtap qalý, damytýda qazaq qoǵamynyń birlesip jumys atqarýy mańyzdy».
Sarapshynyń pikirinshe, qazaqstandyq jastarda pragmatızm basymdyǵy baıqalady.
«Budan ári olarda barlyq nársege pragmatıkalyq kózqaras basym bolady: memlekettik isterde, jeke tabysqa jetýde, mansap jolynda. Bul shyn máninde qundylyqtar basymdyǵynyń ózge ıerarhıasyna júginetin jańa býyn bolady», - dedi sarapshy A.Joldybalına.
#NUROTANTRENDS: «Qazaqstan Táýelsizdiginiń 30 jyldyǵy: «Eldiktiń jeti tuǵyry» - YouTube
