ەستەرىڭىزگە سالساق، 22 جەلتوقساندا «Nur Otan Trends» پىكىرتالاس الاڭىنىڭ كەزەكتى جيىنى وتكەن بولاتىن. كەزدەسۋ بارىسىندا ساراپشىلار قازاقستاندىقتاردىڭ باستى باعدارىنا اينالعان ەلباسىنىڭ «ەلدىكتىڭ جەتى تۇعىرى» قاعيداتتار جيىنتىعىن تالقىلاپ، قازاقستانداعى وزەكتى قوعامدىق-ساياسي ماسەلەلەر بويىنشا پىكىر الماستى.
«قوعامدىق قابىلداۋلاردا 160 مىڭنان استام قابىلداۋلار ءوتتى. ونىڭ 98 پايىزدان استام ماسەلەسى شەشىلدى. 2020 جىلدىڭ باستى جاڭالىعى – ول پرايمەريز بولدى. قانداي ماسەلەلەر حالىقتى مازالايتىنىن پرايمەريز كەزىندەگى كەزدەسۋلەر ارقىلى كوز جەتكىزدىك. سونىڭ قورىتىندىسى رەتىندە ۇلكەن سايلاۋالدى باعدارلاماسى جاسالدى»، – دەدى دەپۋتات ە.بەيسەنبايەۆ.
سونداي-اق، دەپۋتات پارتيانىڭ 20 جىلداعى قىزمەتىنىڭ قورىتىندىسىنا كەڭىنەن توقتالىپ، ەلباسىنىڭ مىنا سوزدەرىن تىلگە تيەك ەتتى: «ەلباسىنىڭ جاقسى ءبىر ءسوزى بار: «باس پارتيا بولۋ دەگەن، ول تەك قانا باسقارۋ ەمەس، ول حالىقتىڭ مۇڭ-مۇقتاجىنا، حالىقتىڭ ۇنىنە قۇلاق اسىپ، سونى ىسكە اسىرۋ».
سونىمەن قاتار، كەزدەسۋگە قاتىسۋشىلار ەلباسىنىڭ «ەلدىكتىڭ جەتى تۇعىرى» قاعيداتتار جيىنتىعىن جۇزەگە اسىرۋدىڭ ماڭىزدىلىعىن، ولاردىڭ حالىق پەن ەل ءۇشىن سىندارلى ءمانىن اتاپ ءوتتى.
پىكىرتالاسقا قاتىسقان قسزي ديرەكتورىنىڭ ورىنباسارى ا.جولدىبالينا قازاقستان ستراتەگيالىق زەرتتەۋلەر ينستيتۋتى جۇرگىزەتىن ءتۇرلى زەرتتەۋلەردىڭ سالىستىرمالى تالداۋى پارتيا جۇمىسىنىڭ تيىمدىلىگى مەن حالىقتىڭ بيلىك ينستيتۋتتارىنا دەگەن سەنىمىنىڭ ارتقانى تۋرالى دالەل بولا الادى دەدى.
ول بۇل تۋرالى ويىن «حالىقتىڭ بيلىككە، بيلىك ينستيتۋتتارىنا دەگەن سەنىمى نەگىزگى ينديكاتورلاردىڭ ءبىرى بولىپ تابىلادى. ءبىزدىڭ ينستيتۋت بارلىق الەۋمەتتىك زەرتتەۋلەرگە جۇيەلى تۇردە تالداۋ جۇرگىزەدى جانە نەگىزگى تۇجىرىمدار ۇقساس. قازاقستاندىقتار اراسىندا قوعامدىق ينستيتۋتتارعا دەگەن سەنىم جالپى ترەندكە اينالىپ، ءوسىپ كەلەدى. مۇنىڭ سەبەبى قوعامداعى ساپالى وزگەرىستەرگە، مەملەكەتتىڭ بالالارعا، ايەلدەرگە دەگەن قارىم-قاتىناسىنا جانە ت.ب. بايلانىستى»، - دەپ ناقتى ايتتى.
سونداي-اق، ا.جولدىبالينا ەلباسى ۇسىنعان نەگىزگى باعدارلاردىڭ اسپەكتىلەرى جونىندە بىلاي دەدى: «جالپى ەلدىكتىڭ جەتى تۇعىرى – بۇل ۇلكەن يدەولوگيالىق كونسترۋكت. وسى باعىتتاردىڭ اياسىندا جەتى كيەلى قۇندىلىقتاردى ساقتاپ قالۋ، دامىتۋدا قازاق قوعامىنىڭ بىرلەسىپ جۇمىس اتقارۋى ماڭىزدى».
ساراپشىنىڭ پىكىرىنشە، قازاقستاندىق جاستاردا پراگماتيزم باسىمدىعى بايقالادى.
«بۇدان ءارى ولاردا بارلىق نارسەگە پراگماتيكالىق كوزقاراس باسىم بولادى: مەملەكەتتىك ىستەردە، جەكە تابىسقا جەتۋدە، مانساپ جولىندا. بۇل شىن مانىندە قۇندىلىقتار باسىمدىعىنىڭ وزگە يەرارحياسىنا جۇگىنەتىن جاڭا بۋىن بولادى»، - دەدى ساراپشى ا.جولدىبالينا.
#NUROTANTRENDS: «قازاقستان تاۋەلسىزدىگىنىڭ 30 جىلدىعى: «ەلدىكتىڭ جەتى تۇعىرى» - YouTube
