قازاقستاندا تالاپكەرلەردٸڭ بٸلٸمٸن باعالاۋدىڭ جاڭا تەسٸلٸ ەزٸرلەنٸپ جاتىر. ۇلتتىق تەستٸلەۋ ورتالىعى حالىقارالىق ETS ۇيىمىمەن بٸرلەسٸپ Admission Insight Test (AIT) جوباسىن جٷزەگە اسىرۋدا. جاڭا تەست پەندٸك بٸلٸممەن قاتار, سىني ويلاۋ, اكادەمييالىق جازۋ جەنە تسيفرلىق ساۋاتتىلىق داعدىلارىن باعالاۋدى كٶزدەيدٸ, دەپ حابارلايدى dalanews.kz.
ۇلتتىق تەستٸلەۋ ورتالىعىنىڭ ديرەكتورى نۇرسەيٸت بايجانوۆ ۇبت-نىڭ جاڭا فورماتى مەن وقۋشىلاردىڭ بٸلٸمٸن باعالاۋدىڭ تەسٸلدەرٸ تۋرالى بايانداما جاسادى. بۇل تۋرالى بٸلٸم بەرۋ مەسەلەلەرٸ جٶنٸندەگٸ عىلىمي-زەرتتەۋ ورتالىعىنىڭ باسپاسٶز قىزمەتٸ حابارلادى.
15 قازاندا Qazaq AI Research University ۋنيۆەرسيتەتٸندە جوعارى بٸلٸم بەرۋ قىزمەتكەرلەرٸ كٷنٸنە ارنالعان فورۋم ٶتتٸ. ٸس-شاراعا عىلىم جەنە جوعارى بٸلٸم مينيسترلٸگٸنٸڭ ٶكٸلدەرٸ مەن باسشىلىعى, جوعارى وقۋ ورىندارى جەنە ۆەدومستۆوعا قاراستى ۇيىمداردىڭ ٶكٸلدەرٸ قاتىستى. فورۋمدا نۇرسەيٸت بايجانوۆ «ۇبت-نىڭ جاڭا فورماتى – وقۋشىلاردىڭ بٸلٸمٸن باعالاۋدىڭ زاماناۋي قۇرالى» تاقىرىبىندا بايانداما جاسادى.
ۇبت-نىڭ جاڭا فورماتى قانداي بولادى?
ۇلتتىق تەستٸلەۋ ورتالىعى حالىقارالىق ETS ۇيىمىمەن بٸرلەسٸپ Admission Insight Test (AIT) جوباسىن جٷزەگە اسىرىپ جاتىر. جوبا 2026 جىلعى اقپاندا باستالعان. ونى 2030 جىلعا دەيٸن ٸسكە اسىرۋ جوسپارلانعان. جوبانىڭ ماقساتى – بٸلٸم بەرۋ جٷيەسٸندەگٸ ٶزگەرٸستەر مەن قازٸرگٸ تالاپتاردى ەسكەرە وتىرىپ, جوعارى وقۋ ورىندارىنا تٷسۋ ەمتيحاندارىنا قاتىستى تەسٸلدەردٸ قايتا قاراۋ.
ۇسىنىلىپ وتىرعان AIT تەستٸ ەكٸ بٶلٸمنەن تۇرادى.
بٸرٸنشٸ بٶلٸمدە 14 بەيٸندٸك پەن بويىنشا تەست تاپسىرمالارى بولادى. ولاردى مەملەكەتتٸك ستاندارتقا سەيكەس جاڭارتۋ جوسپارلانعان. بۇل رەتتە اقپاراتتى جاتتاپ الىپ, قايتالاۋدان گٶرٸ, تاقىرىپتى تٷسٸنۋ مەن بٸلٸمدٸ قولدانۋ قابٸلەتٸنە كٶبٸرەك مەن بەرٸلمەك.
ەكٸنشٸ بٶلٸمدە تالاپكەرلەردٸڭ تٷرلٸ داعدىلارى باعالانادى. ول بەس مودۋلدەن تۇرادى. مودۋلدەر سىني ويلاۋ, اكادەمييالىق جازۋ جەنە زەرتتەۋ داعدىلارى, كوممۋنيكاتسييا, جاساندى ينتەللەكت, ساندىق جەنە تسيفرلىق ساۋاتتىلىق, سونداي-اق كرەاتيۆتٸ جەنە ديزايندىق ويلاۋ قابٸلەتتەرٸن باعالاۋعا باعىتتالعان. سوڭعى مودۋل ەلٸ ەزٸرلەنٸپ جاتىر. ۇلتتىق تەستٸلەۋ ورتالىعىنىڭ ديرەكتورى پەندٸك بٸلٸم ەمتيحاننىڭ نەگٸزگٸ بٶلٸگٸ بولىپ قالا بەرەتٸنٸن اتاپ ٶتتٸ. ال داعدىلاردى باعالاۋ ونى الماستىرمايدى, كەرٸسٸنشە تولىقتىرادى.
تەستٸلەۋدٸڭ ناقتى قۇرىلىمى بٸلٸم بەرۋ ساياساتى مەن زەرتتەۋ نەتيجەلەرٸنە قاراي ودان ەرٸ ناقتىلانباق.
جاڭا تەستٸنٸ ەزٸرلەۋگە كٸمدەر قاتىسىپ جاتىر?
جاڭا باعالاۋ جٷيەسٸن ەزٸرلەۋ بارىسىندا اشىقتىققا ەرەكشە نازار اۋدارىلىپ وتىر. 2026 جىلعى سەۋٸردە ۇلتتىق تەستٸلەۋ ورتالىعى مەن ETS بٸرلەسٸپ, شامامەن 4 مىڭ رەسپوندەنتتٸڭ قاتىسۋىمەن زەرتتەۋ جٷرگٸزگەن. سونىمەن قاتار استانادا سەگٸز فوكۋس-توپ جەنە تٶرت تەرەڭدەتٸلگەن تالقىلاۋ ۇيىمداستىرىلعان.
جوباعا جوعارى وقۋ ورىندارى, وقىتۋشىلار جەنە بٸلٸم بەرۋ جٷيەسٸنٸڭ باسقا دا قاتىسۋشىلارى تارتىلىپ جاتىر. بۇل جاڭا قابىلداۋ جٷيەسٸن ەزٸرلەۋ كەزٸندە ەرتٷرلٸ تاراپتىڭ پٸكٸرٸن ەسكەرۋگە مٷمكٸندٸك بەرەدٸ.
AIT تەستٸ قاشان ٶتكٸزٸلەدٸ?
جاڭا Admission Insight Test جٷيەسٸن پيلوتتىق رەجيمدە سىناقتان ٶتكٸزۋ 2027 جىلدىڭ كٶكتەمٸنە جوسپارلانعان. ەزٸرگە بۇل – ەزٸرلەنٸپ جاتقان جوبا. تەستٸلەۋدٸڭ تٷپكٸلٸكتٸ قۇرىلىمى مەن ونى ەنگٸزۋ تەرتٸبٸ بٸلٸم بەرۋ ساياساتى مەن زەرتتەۋ نەتيجەلەرٸنە سەيكەس ناقتىلاناتىن بولادى.
