قازاقستاندا ەسكٸ كٶلٸگٸن كەدەگە جاراتۋعا تاپسىرعان ازاماتتارعا جاڭا اۆتوكٶلٸك ساتىپ الۋعا جەڭٸلدٸك بەرەتٸن سەرتيفيكات رەسٸمدەۋ تەرتٸبٸ بەكٸتٸلدٸ. الايدا جەڭٸلدٸكتٸڭ ناقتى مٶلشەرٸ ەزٸرگە بەلگٸسٸز. بۇعان دەيٸنگٸ اۆتوكٶلٸككە قاتىستى باستامالاردىڭ تەجٸريبەسٸ دە بۇل باعدارلامانىڭ تيٸمدٸلٸگٸنە قاتىستى سۇراقتار تۋىنداتادى, دەپ حابارلايدى dalanews.kz.
ەكولوگييا مينيسترٸ ەسكٸ اۆتوكٶلٸكتەر مەن ٶزدٸگٸنەن جٷرەتٸن اۋىل شارۋاشىلىعى تەحنيكاسىن كەدەگە جاراتۋعا تاپسىرعانى تۋرالى قۇجات بەرۋ قاعيدالارىن بەكٸتتٸ. بۇل سەرتيفيكات قازاقستاندا ٶندٸرٸلگەن جاڭا كٶلٸك نەمەسە اۋىل شارۋاشىلىعى تەحنيكاسىن ساتىپ العاندا جەڭٸلدٸك الۋعا مٷمكٸندٸك بەرەدٸ.
الايدا جەڭٸلدٸك ەسكٸ كٶلٸگٸن تاپسىرعان ەر ازاماتقا بٸردەي مٶلشەردە بەرٸلەدٸ دەگەن سٶز ەمەس. ونىڭ كٶلەمٸ ارنايى ىنتالاندىرۋ قاعيدالارىنا سەيكەس ەسەپتەلٸپ, وپەراتور بەرەتٸن سەرتيفيكاتتا كٶرسەتٸلەدٸ. قۇجاتتا جەڭٸلدٸكتٸڭ ناقتى سوماسى مەن ونى ەسەپتەۋ تەرتٸبٸ ەزٸرگە ناقتىلانباعان.
سەرتيفيكات بەرٸلگەن كٷننەن باستاپ بٸر جىل بويى جارامدى بولادى. ونى باسقا ادامعا ٷش رەتتەن ارتىق بەرۋگە بولمايدى.
بۇعان دەيٸنگٸ باستامالاردان قانداي ساباق الىندى?
قازاقستاندا اۆتوكٶلٸك نارىعىن قولداۋعا جەنە وتاندىق ٶندٸرٸستٸ دامىتۋعا باعىتتالعان تٷرلٸ باستامالار بولعان. ولاردىڭ قاتارىندا 4 پايىزدىق جەڭٸلدەتٸلگەن اۆتونەسيە باعدارلاماسى مەن ەسكٸ كٶلٸكتەردٸ كەدەگە جاراتۋعا بايلانىستى ۋتيلالىم جٷيەسٸ بار.
الايدا بۇل تەتٸكتەر قوعامدا بٸرقاتار سىنعا ۇشىرادى. جەڭٸلدەتٸلگەن اۆتونەسيە باعدارلاماسىندا كٶلٸككە سۇرانىس جوعارى بولعانىمەن, قارجىنىڭ شەكتەۋلٸلٸگٸ مەن كٶلٸكتٸڭ بەرٸنە بٸردەي قولجەتٸمدٸ بولماۋى مەسەلەسٸ كٶتەرٸلدٸ. ال ۋتيلالىم مٶلشەرٸ مەن ونى جيناۋ تەرتٸبٸ ۇزاق ۋاقىت بويى قوعامدىق پٸكٸرتالاسقا سەبەپ بولدى.
سوندىقتان جاڭا سەرتيفيكاتتاۋ تەتٸگٸنٸڭ تيٸمدٸلٸگٸ ونىڭ قاعاز جٷزٸندە بەكٸتٸلۋٸمەن عانا ٶلشەنبەيدٸ. ەڭ ماڭىزدىسى – جەڭٸلدٸكتٸڭ ناقتى مٶلشەرٸ, ونى الۋ شارتتارى مەن قاراجاتتىڭ قالاي بٶلٸنەتٸنٸ اشىق بولۋى كەرەك. ەيتپەسە, جاڭا باستاما دا ازاماتتاردىڭ كٷتكەن نەتيجەسٸن بەرمەي قالۋى مٷمكٸن.
تيٸستٸ بۇيرىق 2026 جىلعى 25 قازاننان باستاپ كٷشٸنە ەنەدٸ.
ەزٸرگە ەسكٸ كٶلٸكتٸڭ جاسىنا, تەحنيكالىق جاعدايىنا نەمەسە تٷرٸنە قاتىستى قانداي تالاپتار قويىلاتىنى, جەڭٸلدٸك قانشا تەڭگە بولاتىنى جەنە ازاماتتاردىڭ ونى قايدا رەسٸمدەي الاتىنى تۋرالى تولىق اقپارات جوق.
