قازاقستاندا كەرٸز جەلٸلەرٸنٸڭ توزۋ دەڭگەيٸ 54%-عا جەتكەن, ال سارقىندى سۋدى تازارتاتىن قۇرىلىستاردىڭ ورتاشا توزۋى 65%-دان اسادى, دەپ حابارلايدى dalanews.kz.
كوممۋنالدىق ينفراقۇرىلىمدى جاڭعىرتۋ اياسىندا 45 قالادا تازارتۋ نىساندارىن سالۋ جەنە رەكونسترۋكتسييالاۋ جوسپارلانعان. بۇل جۇمىستارعا شامامەن 1,9 ترلن تەڭگە قاراستىرىلعان. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە قر ٶنەركەسٸپ جەنە قۇرىلىس مينيسترلٸگٸنٸڭ ٶكٸلدەرٸ مەلٸمدەدٸ.
مينيسترلٸك دەرەگٸنە سەيكەس, قازاقستانداعى سۋ قۇبىرى جەلٸلەرٸنٸڭ جالپى ۇزىندىعى 111 مىڭ شاقىرىمدى قۇرايدى. ونىڭ 38%-ى توزعان. ال ۇزىندىعى 18 مىڭ شاقىرىم بولاتىن كەرٸز جەلٸلەرٸنٸڭ توزۋ دەڭگەيٸ 54%-عا جەتكەن.
2029 جىلعا قاراي سۋ قۇبىرى جەلٸلەرٸنٸڭ توزۋىن 33%-عا, كەرٸز جەلٸلەرٸنٸڭ توزۋىن 41%-عا دەيٸن تٶمەندەتۋ كٶزدەلگەن. 2026 جىلدىڭ قورىتىندىسى بويىنشا بۇل كٶرسەتكٸشتەردٸ تيٸسٸنشە 37% جەنە 52%-عا جەتكٸزۋ جوسپارلانىپ وتىر.
جەلٸلەردٸ جاڭارتۋعا 1,1 ترلن تەڭگە قاراستىرىلعان
«ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا شامامەن 5 مىڭ شاقىرىم سۋ قۇبىرى جەلٸسٸن جاڭارتۋعا 700 ملرد تەڭگە, ال 2,8 مىڭ شاقىرىم كەرٸز جەلٸسٸن جاڭعىرتۋعا 400 ملرد تەڭگە باعىتتاۋ جوسپارلانعان.
بريفينگتە سۋمەن جابدىقتاۋ جەنە سۋ بۇرۋ سالاسىنداعى جالپى قۇنى 356 ملرد تەڭگە بولاتىن 146 جوبانىڭ ٸسكە اسىرۋدىڭ ەرتٷرلٸ كەزەڭٸندە تۇرعانى ايتىلدى. ونىڭ ٸشٸندە 95 جوبا سۋ قۇبىرى جەلٸلەرٸن جاڭارتۋعا, 51 جوبا كەرٸز ينفراقۇرىلىمىن جاڭعىرتۋعا ارنالعان.
قازٸر 69 جوبا ٸسكە اسىرىلىپ جاتىر. تاعى 23 جوبا ٸرٸكتەۋدەن ٶتٸپ, كونكۋرستىق رەسٸمدەرگە دايىندالۋدا, ال قالعان 54 جوبا كەلٸسۋ كەزەڭٸندە.
بۇدان بٶلەك, 2026 جىلى بيۋدجەت قاراجاتى ەسەبٸنەن سۋمەن جابدىقتاۋ جەنە سۋ بۇرۋ سالاسىنداعى 345 جوبانى جٷزەگە اسىرۋعا 309 ملرد تەڭگە بٶلٸنگەن. بۇل قاراجات قالالار مەن اۋىلدىق ەلدٸ مەكەندەردەگٸ ينفراقۇرىلىمدى جاڭارتۋعا باعىتتالعان.
45 قالادا تازارتۋ قۇرىلىستارى جاڭارتىلادى
مەسەلە تەك ەسكٸ قۇبىرلاردى اۋىستىرۋمەن شەكتەلمەيدٸ. تۇرعىن ٷيلەردەن, ەلەۋمەتتٸك نىساندار مەن كەسٸپورىنداردان شىعاتىن سارقىندى سۋ ارنايى تازارتۋ قۇرىلىستارىنا جەتكٸزٸلٸپ, قورشاعان ورتاعا جٸبەرٸلەر الدىندا تازارتىلۋى كەرەك. الايدا ەلدەگٸ مۇنداي نىسانداردىڭ ورتاشا توزۋ دەڭگەيٸ 65%-دان اسادى.
وسىعان بايلانىستى 45 قالادا كەرٸز-تازارتۋ قۇرىلىستارىن سالۋ جەنە رەكونسترۋكتسييالاۋ جوسپارلانعان. بۇل باعىتقا شامامەن 800 ملرد تەڭگە قاراستىرىلعان.
مينيسترلٸك ٶكٸلدەرٸنٸڭ ايتۋىنشا, كوممۋنالدىق جٷيەنٸ تيٸمدٸ جاڭعىرتۋ ٷشٸن سۋ قۇبىرلارىن, كەرٸز جەلٸلەرٸن جەنە تازارتۋ نىساندارىن كەشەندٸ تٷردە جاڭارتۋ قاجەت. ەيتپەسە, قۇبىرلاردى اۋىستىرۋدىڭ ٶزٸ سارقىندى سۋدى تازارتۋ مەسەلەسٸن تولىق شەشە المايدى.
سۋ جٷيەسٸن تسيفرلاندىرۋعا دا قارجى بٶلٸنەدٸ
ۇلتتىق جوبا اياسىندا سۋ ارنالارى كەسٸپورىندارىنا جەلٸلەردەگٸ قىسىمدى, سۋ شىعىنىن جەنە جابدىقتاردىڭ جۇمىسىن باقىلاۋعا مٷمكٸندٸك بەرەتٸن تسيفرلىق جٷيەلەر ەنگٸزٸلٸپ جاتىر. بۇل سۋ اعۋىن ەرتەرەك انىقتاۋعا جەنە اپاتتارعا جەدەل ەرەكەت ەتۋگە باعىتتالعان.
بٸرٸنشٸ كەزەڭدە 25 قالاداعى 32 سۋمەن جابدىقتاۋ كەسٸپورنى اۆتوماتتاندىرۋ جەنە ەسەپكە الۋ قۇرالدارىن ەنگٸزۋ ٷشٸن جالپى سوماسى 54 ملرد تەڭگەگە ٶتٸنٸم بەرگەن. ونىڭ ٸشٸندە 12 ملرد تەڭگەگە باعالانعان سەگٸز ٶتٸنٸم بويىنشا مەردٸگەرلەرمەن كەلٸسٸمشارت جاسالعان. تاعى 17 ملرد تەڭگەنٸ قۇرايتىن جەتٸ ٶتٸنٸم كونكۋرستىق رەسٸمدەردەن ٶتٸپ جاتىر.
سونىمەن قاتار, ەزٸرلەنٸپ جاتقان Smart Turmys بٸرىڭعاي پلاتفورماسى ابونەنتتەر, سۋ تۇتىنۋ كٶلەمٸ جەنە كوممۋنالدىق قىزمەتتەر بويىنشا ەسەپ ايىرىسۋ دەرەكتەرٸن بٸرٸكتٸرۋگە تيٸس.
تۇرعىندارعا قانداي قولداۋ كٶرسەتٸلەدٸ?
2026 جىلى اۋىز سۋ بەرۋ قىزمەتٸنٸڭ قۇنىن سۋبسيدييالاۋعا 28 ملرد تەڭگە قاراستىرىلعان. مەملەكەت كەسٸپورىندارعا قىزمەت قۇنىنىڭ بٸر بٶلٸگٸن ٶتەيدٸ, بۇل تۇرعىندار ٷشٸن سۋدىڭ تولىق ٶزٸندٸك قۇنىنان تٶمەن تاريف بەلگٸلەۋگە مٷمكٸندٸك بەرەدٸ.
سونداي-اق كوممۋنالدىق شىعىندارى وتباسى تابىسىنىڭ جەرگٸلٸكتٸ مەسليحاتتار بەلگٸلەگەن شەكتٸ ٷلەسٸنەن اساتىن ازاماتتارعا تۇرعىن ٷي كٶمەگٸ كٶرسەتٸلەدٸ. بريفينگتە كەلتٸرٸلگەن مەلٸمەت بويىنشا, وسى ماقساتقا جەرگٸلٸكتٸ بيۋدجەتتەردەن 400 ملن تەڭگە تٶلەنٸپ, شامامەن 8 مىڭ ادام قولداۋ العان.
