Túrkistanda álemdik deńgeide investitsiialyq jáne týristtik forým ótedi
Sharaǵa álemniń Túrkiia, Qytai, Japoniia jáne Ońtústik Koreia siiaqty damyǵan elderi qatysatyn bolady. Bul týraly búgin oblys ákiminiń orynbasary Erbol Tasjúrekov «Ońtústik» baspasóz klýbynda ótken brifingte málimdedi.
Onyń sózinshe, tuńǵysh ret ótkizilgeli otyrǵan halyqaralyq deńgeidegi shara aimaq ekonomikasynyń perspektivasy joǵary baǵyttarynda investitsiialyq jobalardy júzege asyrý men qyzmettestikti odan ári keńeitý arqyly óńirimizdiń investitsiialyq áleýetin kótereýge baǵyttalǵan.
– Forýmnyń negizgi maqsaty – halyqaralyq uiymdar men sarapshylardyń qatysýymen jyl saiyn ótetin netvorkingke arnalǵan halyqaralyq alańyn qurý, investitsiialyq jobalardy júzege asyratyn sheteldik investorlardy tartý jáne saýda-ekonomikalyq yntymaqtastyqty damytý. Sondai-aq, týrizm – óńirdiń damýynda jáne investitsiia tartýda eń basty jáne mańyzdy baǵyttardyń biri ekeni belgili. Iaǵni, investitsiianyń basym bóligi osy perspektivaly salaǵa baǵyttalatyn bolady. Nátijesinde oblysymyzǵa keletin týrister sany eselep artatyn bolady degen sóz. Aita keterligi, qazirdiń ózinde sharaǵa qatysýǵa sheteldik investorlar úlken qyzyǵýshylyq tanytyp otyr, – dedi Erbol Qýanyshuly.
Sonymen qatar, oblys ákiminiń orynbasary óńirdegi aýylsharýashylyǵy salasyna bailanysty jylyjai keshenderi, qarqyndy baqshalar men agroparkter, sondai-aq, mashina jasaý, jeńil ónerkásip pen infraqurylym baǵyttaryna investitsiia tartý jumystary atqarylatynyn jetkizdi. Ásirese, investorlar óńirimizdegi ken oryndary men ónerkásipterdi igerý boiynsha jańartylatyn energiia jobalaryna qyzyǵýshylyq tanytýda. Is-sharaǵa keletin qonaqtardyń barlyǵymen aldyn-ala kelissózder júrgizilgen, ár kompaniia investitsiialyq jobalardy iske asyrýda sátti tájiribege ie jáne óz salasynyń kóshbasshysy bolyp tabylady.
Forým barysynda logistika, týrizm jáne agroónerkásiptik keshenge qatysty máseleler qaralatyn bolady. Jalpy investitsiialyq baǵyt boiynsha 250 astam qonaqtardyń kelýi kútilýde. Is-sharanyń sheteldik qatysýshylarynyń basym bóligin Eýropalyq Odaq kompaniialary quraidy. Olardyń qatarynda jeke investorlar, halyqaralyq transulttyq kompaniialardyń ókilderi, investitsiialyq qorlar, qyrjy institýttary men bank basshylary.
Aita keteiik, 2017 jyly Túrkistan qalasyna 1,2 mln. týrist kelse, 2018 jyldyń birinshi jartyjyldyǵynda 700 myńnan astam sheteldik qonaq bolǵan. Bul ótken jyldyń tiisti kezeńimen salystyrǵanda 60 paiyzǵa artqan.
Túrkistan oblysy ákiminiń baspasóz qyzmeti
