Alqaly basqosýǵa Stillovato Aleks («ARM Wind» JShS), Fýrsaev Andrei («HEVEL Kazakhstan» JShS), Sarsekeev Syrymbek, («Túrkistan IaSSY» JShS), Mahambet Kaisarbek («Sauran Bricks» JShS), Sadkov Nikolai («Ecoculture Eurasia» JShS), Shonberger Alois («EcoInvest» JShS), Babakýlov Nýrlan («CAPABLE GROUP» JShS), Kaskabaev Meirbek («RZN» JShS), Vasitova Ýgiljan («Týrkestan Agro XXI» JShS) qatysty.
Óńirlik investorlar keńesiniń negizgi maqsaty indýstriialyq klasterlerdi qurý jáne jańa jumys oryndaryn ashý úshin óńirdiń investitsiialyq tartymdylyǵyn jaqsartý, sondai-aq investorlar úshin qolaily jaǵdailar jasaý.
Túrkistan qalasyna oblys ortalyǵy mártebesin berý qalaǵa ǵana emes, búkil óńirge investitsiialar tartýǵa aitarlyqtai serpin berdi.
Oblys qurylǵan sátten bastap óńir ekonomikasyna 2,2 trln teńgeden astam qarjy baǵyttaldy. Investitsiialardyń negizgi úlesi ónerkásip, týrizm, aýyl sharýashylyǵy siiaqty salalarǵa baǵyttaldy, sondai-aq jańartylatyn energiia kózderi salasynda aitarlyqtai dinamika baiqalady.
Sondai-aq, Memleket basshysynyń bastamasy boiynsha «TURAN» halyqaralyq arnaiy ekonomikalyq aimaǵyn qurý boiynsha jumys júrgizilýde.
Keńes otyrysy basynda oblys ákiminiń orynbasary investitsiialyq ahýaldy jaqsartý, investitsiialardy tartý bizdiń negizgi mindetterimiz ekenin atap ótip, aimaqtyń damýyna qosqan baǵa jetpes úlesteri úshin investorlarǵa alǵys bildirdi.
– 2022 jylǵa jyl sońyna deiin 74 mlrd teńge somasyna 13 joba iske qosylady dep kútilýde. Osy jobalardy iske asyrý 1 000-nan astam adamdy jumys oryndarymen qamtamasyz etýge múmkindik beredi. Jalpy, 2025 jylǵa deiin jalpy somasy 1 trln bolatyn 44 investitsiialyq joba iske qosylady dep kútilýde. 10 myńnan astam jańa jumys orny bolmaq, – dedi Investitsiia jáne Eksport basqarma basshysynyń orynbasary Qanat Shonbasov.
Sondai-aq, keńes otyrysynda jobalardyń aǵymdaǵy mártebesi jáne problemalyq máseleler usynyldy. Oblystyń basym salalary boiynsha, ol – jasyl ekonomika, týrizm, ónerkásip jáne aýylsharýashylyǵy jobalary, sondai-aq áleýmettik jaýapkershiligi bar jobalar.
