28 maýsymda Aqmola oblysy PD Krımınaldyq polısıa basqarmasynyń qyzmetkerlerine «Qarasaı tas joly» aınalma joly boıyndaǵy avtodromda qarýly adamdar tobynyń qatysýymen qaqtyǵys oryn alyp jatqandyǵy týraly habar kelgen.
Oqıǵa ornyna Krımınaldyq polısıa basqarmasynyń, arnaıy maqsattaǵy bólimsheniń, jedel-tergeý tobynyń qyzmetkerleri dereý jetip, bassyzdyqty toqtatqan.
Aldyn ala tergeý barysy boıynsha qaqtyǵysqa 15 adam qatysqan. Olar Kókshetaý men Qaraǵandy qalalarynyń jastary 22-40 jas aralyǵyndaǵy turǵyndary ekeni anyqtalǵan.
Oqıǵa ornynan Tranfoglio jáne Strajnık travmatıkalyq tapanshalary, patrondary, burysh búrikkishteri, pyshaqtar men kastetter tárkilendi.
Atalǵan faktige sáıkes QR QK 287-babynyń 3-bóligi (Qarýdy zańsyz saqtaý jáne tasymaldaý) boıynsha sotqa deıingi tergeý bastaldy. Kelý týraly mindetteme túrinde prosesýaldyq májbúrleý sharasy tańdaldy. Saraptama taǵaıyndaldy.
Nazıra MAHANOVA
