Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Túrkistan jasyl alqapty kóbeitýde elordadan keiingi ekinshi orynda

Dalanews
Túrkistan jasyl alqapty kóbeitýde elordadan keiingi ekinshi orynda
Túrkistan qalasy mańyndaǵy «Jasyl beldeý» aimaǵyn alǵashynda 7 700 gektarǵa qurý josparlansa, qazir ol meje 13 629 gektarǵa jetip, atalǵan aimaqta kóshetter kútip-baptalýda. Qazirgi tańda Túrkistan qalasy men ainalasyndaǵy jasyl ekpelerdiń ónimdiligi 65-75 paiyzdy qurap otyr, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.

Bul týraly brifingte Túrkistan oblysy tabiǵi resýrstar jáne tabiǵat paidalanýdy retteý basqarmasynyń basshysy Qairat Ábdýáliev málimdedi.

– Búginde Túrkistan qalasynyń ekologiialyq jaǵdaiyn jaqsartý maqsatynda qala aýmaǵynda saiabaqtar men alleialardyń kólemi artyp, 495 gektarǵa jetken. Aryq-atyzdar qalpyna keltirilip, jasyl jelek kóptep egilýde.

Oǵan qosa qala aýmaǵynda kógaldandyrýdyń jańa tehnologiialaryn qoldaný nátijesinde kóshetterdiń ónimdiligi artqan.

Bul – úlken eńbektiń jemisi. Jasyl alqapty kóbeitý baǵytyndaǵy jumystar respýblika boiynsha Nur-Sultan qalasynan keiin ekinshi bolyp Túrkistanda qolǵa alynǵanyn da aita ketken jón.


Oblys ákiminiń qoldaýymen 3 jylda orman sharýashylyǵy mekemeleriniń tehnikalyq bazasy men shattyq birlikter sany 2 ese ulǵaiǵan. Atalǵan jumystardyń nátijesinde qazirgi tańda «Kazgidromet» mekemesiniń málimetine sáikes, Túrkistan qalasynda atmosferalyq aýanyń lastanýy 65%-ǵa tómendegen, – dedi Qairat Amangeldiuly.

Sonymen qatar brifingke qatysqan «Jasyl aimaq» KMM direktory Ábýtálip Qulametov «Jasyl beldeý» aimaǵy úshin 5 millionnan astam kóshet atalǵan mekemeniń tuqymbaǵynan alynǵanyn jetkizdi.

 
túrkistan Jasyl beldeý Jasyl aimaq Ábýtálip Qulametov Madina Sádýaqasova

Oqi otyryńyz