Aimaq basshysy sýretshilerdiń apta boiy salǵan sýretterin tamashalap, óner ielerine shyǵarmashylyq tabys tiledi.
– Bul sharaǵa álemniń ár túkpirinen kelgen ataqty sýretshilerdiń týyndylary Túrkistan oblysynyń kórkemsýret qoryn tolyqtyrýǵa óz septigin tigizeri sózsiz. Halyqaralyq deńgeidegi belgili qylqalam sheberleriniń osy aptalyqtaǵy shyǵyrmashylyq izdenisinen qundy óner týyndysy tabylady dep senem. Atalǵan sharany uiymdastyrýdyń negizgi basty maqsaty – Túrkistan óńiriniń ózindik tabiǵi geografiialyq erekshelikterin jáne kóztartarlyq oryndaryn beineleitin halyqaralyq deńgeidegi óner shyǵarmalaryn jasap, olardy álemdik deńgeide tanytý, sol arqyly týrizmdi damytýǵa úles qosý, – dedi Janseiit Qanseiituly.
Olar bir jeti ishinde Túrkistan, Tólebi, Sozaq, Báidibek, Otyrar, Ordabasy, Maqtaral, Jetisai, Saryaǵash, Shardara aýdandaryndaǵy birqatar tarihi – mádeni oryndarda bolyp, sondaǵy kórinisterdi qaǵaz betine túsirdi.
Sharanyń maqsaty – elimizdiń salt-dástúrin, ádep-ǵurpyn, ǵasyrlardan syr shertken qasietti mádeni sáýlettik eskertkishterdi, tarihi oryndar men ulttyq ónerimizdi, tamasha tabiǵatymyzdy nasihattaý. Sondai-aq, túrki tildes elderdiń eńbek sińirgen óner qairatkerleri, talantty qylqalam sheberleri, keskindeme salasy boiynsha ózara tájiribe jáne pikir almasýdy júzege asyrý. Negizi bir, tilegi ortaq, túrki jurtynyń halyqtar arasyndaǵy dostyq bailanystaryn nyǵaita otyryp, týrizmdi damytýǵa úles qosý.
Aita keteiik, jiynnyń sońy Nurlan Ónerbaev, Gúlnar Siqymbaeva syndy estrada juldyzdarynyń qatysýymen ótken kontserttik baǵdarlamaǵa ulasty.
Túrkistan oblysy ákiminiń baspasóz qyzmeti
