Túrkistandaǵy 12 aýyldyq okrýg Kentaý qalasynyń aýmaǵyna ótedi
Oblystyq máslihattyń kezekten tys HHVIII sessiiasynda málim bolǵandai, Túrkistan qalasyndaǵy 721745 ga aýmaq jer, iaǵni, 12 aýyldyq okrýg Kentaý qalasynyń aýmaǵyna ótetin boldy.
Máslihat depýtattarynyń biraýyzdan qoldaýyna ie bolǵan kún tártibindegi birinshi másele jaily oiyn bildirgen óńir basshysy Janseiit Túimebaev barsha oblys jurtshylyǵyn qos shahardyń damyp, órkendeýine bir kisidei atsalysýǵa shaqyrdy.
“Túrkistan qalasy oblys ortalyǵyna ainalýyna orai, Kentaý qalasynyń shekarasy ózgeretin boldy. Mundai sheshim eki qalanyń tiisti deńgeide damýy úshin jasalyp, barlyq memlekettik organdarmen maquldandy. Sonymen birge, halyq qalaýlylarynyń kelisimi nátijesinde qabyldanyp otyr. Sondyqtan, oblys turǵyndaryn Túrkistan qalasy men keńeigen Kentaýdy kórkeitýge birge atsalysýǵa shaqyramyn”, – dedi J.Túimebaev.
Sessiia otyrysynda, munan bólek, «2018-2020 jyldarǵa arnalǵan oblystyq biýdjet týraly» sheshimine ózgerister engizý jaiy men «Oblystyq biýdjet jáne aýdandar (oblystyq mańyzy bar qalalar) biýdjetteriniń arasyndaǵy 2017-2019 jyldarǵa arnalǵan jalpy sipattaǵy transfertterdiń kólemi týraly» sheshimine ózgerister engizý máselesi qaralyp, depýtattar tarapynan tiisti sheshimder qabyldandy. Sondai-aq, Túrkistan oblystyq máslihaty apparatynyń qurylymy máselesi de kún tártibinen tys qalǵan joq.
Aita ketý qajet, búgingi sessiia otyrysyna B.Z.Musabekov tóraǵalyq etti.
Túrkistan oblysy ákiminiń baspasóz qyzmeti
