وبلىستىق ءماسليحاتتىڭ كەزەكتەن تىس ححVءىىى سەسسياسىندا ءمالىم بولعانداي، تۇركىستان قالاسىنداعى 721745 گا اۋماق جەر، ياعني، 12 اۋىلدىق وكرۋگ كەنتاۋ قالاسىنىڭ اۋماعىنا وتەتىن بولدى.
ءماسليحات دەپۋتاتتارىنىڭ ءبىراۋىزدان قولداۋىنا يە بولعان كۇن تارتىبىندەگى ءبىرىنشى ماسەلە جايلى ويىن بىلدىرگەن ءوڭىر باسشىسى جانسەيىت تۇيمەبايەۆ بارشا وبلىس جۇرتشىلىعىن قوس شاھاردىڭ دامىپ، وركەندەۋىنە ءبىر كىسىدەي اتسالىسۋعا شاقىردى.
“تۇركىستان قالاسى وبلىس ورتالىعىنا اينالۋىنا وراي، كەنتاۋ قالاسىنىڭ شەكاراسى وزگەرەتىن بولدى. مۇنداي شەشىم ەكى قالانىڭ ءتيىستى دەڭگەيدە دامۋى ءۇشىن جاسالىپ، بارلىق مەملەكەتتىك ورگاندارمەن ماقۇلداندى. سونىمەن بىرگە، حالىق قالاۋلىلارىنىڭ كەلىسىمى ناتيجەسىندە قابىلدانىپ وتىر. سوندىقتان، وبلىس تۇرعىندارىن تۇركىستان قالاسى مەن كەڭەيگەن كەنتاۋدى كوركەيتۋگە بىرگە اتسالىسۋعا شاقىرامىن”، – دەدى ج.تۇيمەبايەۆ.
سەسسيا وتىرىسىندا، مۇنان بولەك، «2018-2020 جىلدارعا ارنالعان وبلىستىق بيۋدجەت تۋرالى» شەشىمىنە وزگەرىستەر ەنگىزۋ جايى مەن «وبلىستىق بيۋدجەت جانە اۋداندار (وبلىستىق ماڭىزى بار قالالار) بيۋدجەتتەرىنىڭ اراسىنداعى 2017-2019 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» شەشىمىنە وزگەرىستەر ەنگىزۋ ماسەلەسى قارالىپ، دەپۋتاتتار تاراپىنان ءتيىستى شەشىمدەر قابىلداندى. سونداي-اق، تۇركىستان وبلىستىق ءماسليحاتى اپپاراتىنىڭ قۇرىلىمى ماسەلەسى دە كۇن تارتىبىنەن تىس قالعان جوق.
ايتا كەتۋ قاجەت، بۇگىنگى سەسسيا وتىرىسىنا ب.ز.مۇسابەكوۆ ءتوراعالىق ەتتى.
تۇركىستان وبلىسى اكىمىنىڭ باسپا ءسوز قىزمەتى
