Sairam aýdanynda ornalasqan zaýyt alǵashqyda jumysyn 24 adammen bastasa, qazir mundaǵy jumysshylardyń sany 47-ge jetken.
«Biznestiń jol kartasy – 2020» baǵdarlamasy men «Óńirler kásipkerligin qoldaý kartasy aiasynda», «Damý» kásipkerlikti qoldaý qorynyń kómegimen kásiporynǵa jeńildetilgen paiyzben nesie berilip, investitsiialyq sýbsidiiaǵa qoldaý kórsetilgen.
Keiinnen zaýytqa modernizatsiia júrgizilip, Sairam aýdany, Aqsýkent aýyldyq okrýgine sút zaýyty kóshirilip, óz jumysyn bastady.
Túrkiiadan qurylǵylar ákelip, tabiǵi sútke qozynyń ultabar-máiegin qosa otyryp, túrik tehnologiiasymen daiyndalatyn «Emir» syrlary sapanyń eýropalyq standartyna sáikes óndiriledi. Sút ónimderinen irimshik daiyndaityn kompaniialar arasynan bul kásiporyn 2017 jyly Qazaqstan boiynsha jalǵyz halal sertifikatyna ie bolǵan.
Zaýytqa sútti Sairam aýdanynyń Qarabulaq, Mankent, Qaramurt eldimekenderiniń turǵyndarynan jinaidy. Jańa óndiris ornynda táýligine 100 tonna sút óndiriledi. Munda irimshiktiń 12 túri shyǵarylyp, Qazaqstannyń túkpir-túkpirine taratylýda.
– «Emir» ónimderi barlyq sanitarlyq normalardy muqiiat saqtai otyryp, Túrkiianyń joǵary tehnologiialyq jabdyǵynda ázirlenedi. «Emir» irimshiginiń 12 túriniń árqaisysynda aqýyz, kaltsii, magnii syndy kóptegen qundy dárýmender bar, - deidi mekeme basshysy Almagúl Aikan.
Atalǵan kásiporynnyń negizgi kásipkerlik tujyrymdamasy - qoǵam ómirine belsendi qatysý. Bul rette, mekeme meshitke, múgedek balalarǵa, turmysy tómen otbasylarǵa, UOS ardagerlerine árdaiym demeýshilik kómek kórsetip keledi. Olar qarjylyq nemese basqa da kómek kórsetetin qyzmet salasyna qaramastan jáne áleýmettik máselelerdi sheshýge yqpal etýge atsalysýda.
Kompaniia ónim jelilerin keńeite otyryp, belsendi damýda. 2013 jyldan beri «Qazaqstannyń úzdik taýary», «Ońtústik Qazaqstan biznesiniń maqtanyshy», «Ozat sút óńdeýshi», «Aýylsharýashylyq ónimderin óńdeýdiń úzdigi», «Úzdik halal kásiporyn» jáne t.b. birneshe marapattaýlarǵa ie «AYKAN» kásiporny oblysymyzyń ekonomikasyna orasan zor úlesin qosýda.
