Braziliianyń eń iri megapolisi kóshelerinde esirtki mafiiasy men politsiia arasynda naǵyz soǵys bastaldy. Birneshe kúnniń ishinde qaza tapqandar sany 130-ǵa jetti dep habarlaidy Dalanews.kz. DW-ge silteme jasap.
«Qyzyl komanda» bandasyna qarsy reidter 28–29 qazan kúnderi Rio-de-Janeironyń soltústigindegi Alemao jáne Penia favelasynda ótti. Operatsiiaǵa shamamen 2500 kúshtik qurylym qyzmetkeri qatysty. Basylymnyń málimetinshe, bul — el tarihyndaǵy eń qandy politsiia operatsiiasy.
Osy ýaqytqa deiin Braziliia biligi 119 adamnyń qaza tapqanyn rastady. Advokattardyń dereginshe, qurbandar sany 130-dan asyp ketken.
Rio-de-Janeiro ákimshiligi 118 qarý-jaraqtyń, onyń ishinde avtomattar men jarylǵysh zattardyń tárkilengenin habarlady. 10 jasóspirimdi qosa alǵanda, barlyǵy 113 adam ustaldy.
BUU Bas hatshysy Antoniý Gýterrish te politsiia reidteri saldarynan qaza tapqandar sanyna tereń alańdaýshylyq bildirdi. Ol Braziliia biligin adam quqyqtaryn saqtaýǵa jáne bolǵan oqiǵany tergeýge shaqyrdy.
Reidti aiyptaǵan ondaǵan quqyq qorǵaý uiymdary da ún qatty, olardyń arasynda halyqaralyq Amnesty International uiymy bar.
Eske salsaq, keshe Riodaǵy halyqaralyq áýejai mańyndaǵy favela aýdanynda 2,5 myń politsiia qyzmetkeri men arnaiy jasaq sarbazdary reid ótkizgeni habarlanǵan edi. Bul aýdan Braziliiadaǵy eń yqpaldy uiymdasqan qylmystyq toptardyń biri retinde qarastyrylady.
Nátijesinde mafiia men politsiia arasynda naǵyz soǵys bastaldy: esirtki saýdasymen ainalysatyndar politsiianyń shabýylyna jaýap retinde oq jaýdyryp, barrikadalar jasap, kólikterdi órtedi. Bul top arnaiy jasaqqa jarylǵysh zattar tastaý úshin alǵash ret áskeri drondardy qoldandy.
