Mańǵystaý oblysynda Beket ata jerasty meshitine barǵannan keiin bailanyssyz ketken úsh adam aman-esen tabyldy, dep habarlaidy dalanews.kz.
Buǵan deiin olardyń qasietti orynǵa barǵan soń jaqyndarymen bailanysqa shyqpai qalǵany habarlanǵan edi. Sońǵy ret olar 2 shilde kúni Beket ata aýmaǵynan video jibergen.
Týystarynyń aitýynsha, Qydyrsha ata mańynda olardyń kóligi batpaqqa batyp qalǵan. Sol sebepti olar Beineýge jetý úshin shamamen 35 shaqyrym jaiaý júrýge májbúr bolǵan. Baqytymyzǵa qarai, úsheýi de din aman.
Mańǵystaý oblysy politsiia departamentiniń málimetinshe, joǵalǵan azamattar aýqymdy izdestirý operatsiiasy kezinde tabyldy. Kólik Qydyrsha ata shatqalynan shamamen 35 shaqyrym jerdegi jetýi qiyn aýmaqtan anyqtalǵan.
Aldyn ala málimet boiynsha, batpaqqa batyp qalǵan kóliktegi adamdar jolyn ózdiginen jalǵastyra almai, bailanysqa shyǵa almaǵan.
Joǵalǵandardy alǵash bolyp Beineý aýdandyq politsiia bóliminiń qyzmetkerleri tapty.
Qazir azamattar meditsinalyq tekserýden ótý úshin Aqjigit aýylyna jetkizilip jatyr.
Politsiia izdeý jumystarynyń sátti aiaqtalýyna politsiia qyzmetkerleri, TJD bólimsheleri jáne ózge de jumyldyrylǵan qyzmetterdiń birlesken jumysy yqpal etkenin atap ótti.
Eske salaiyq, izdeý operatsiiasyna politseiler, qutqarýshylar, «Ohotzooprom» mamandary, tikushaqtar men arnaiy tehnika tartylǵan. Sondai-aq eriktiler óńir turǵyndaryn izdestirýge kómektesýge, qajet bolsa dron paidalanýǵa shaqyrǵan edi.
