Ulybritaniianyń 50-den astam depýtaty eldiń mádeniet ministrine hat joldap, reseilik «Masha jáne aiý» mýltfilmin videoplatformalardan alyp tastaýdy surady. Bul týraly The Guardian basylymy habarlady, dep habarlaidy dalanews.kz.
Buǵan deiin Netflix mýltserialdyń eki jańa maýsymyn kórsetý quqyǵyn satyp alyp, ony 100-den astam elde, sonyń ishinde britandyq ITVX servisinde usynýdy josparlaǵan.
Depýtattardyń aitýynsha, mýltfilmdegi tórt jasar Mashanyń keibir áreketterinde propagandalyq sipattaǵy elementter bar. Olar ásirese eki epizodqa nazar aýdarǵan: birinde keiipker tank shlemin kise, ekinshisinde NKVD qyzmetkerleriniń bas kiimine uqsas qalpaqpen beinelengen.
Hat avtorlarynyń pikirinshe, mundai kórinister balalar arasynda keńestik áskeri simvolikany qalypty qubylys retinde qabyldaýǵa áser etýi múmkin.
Depýtattar óz málimdemesinde Ýkrainanyń Jalǵan aqparatpen kúres ortalyǵynyń tujyrymdaryna súiengen. Ortalyqtyń baǵalaýynsha, «Masha jáne aiý» tek mýltfilm emes, Reseidiń «jumsaq kúsh» saiasatynyń bir quraly. Onda Masha obrazy arqyly ózge halyqtardyń dástúrleri kelemejdelip, keńestik rámizder men militaristik taqyryptar qalypty dúnie retinde kórsetiletini aitylǵan.
Al mýltfilmdi shyǵarǵan Animaccord stýdiiasy bul aiyptaýlarmen kelispeidi. Kompaniianyń ókili Melani Bonvichino mundai málimdemelerdi «jalǵan aqparat jáne jala» dep baǵalap, stýdiianyń eshqandai memlekettik qarjylandyrý almaitynyn málimdedi.
