Aq úi "bosaný týrizmine" qarsy jańa sharalardy talqylap jatyr. Usynystardyń qatarynda júkti sheteldik áielderdiń AQSh-qa kirýine tyiym salý máselesi de bar, dep habarlaidy dalanews.kz.
Buǵan deiin AQSh prezidenti Donald Tramptyń týý quqyǵy arqyly azamattyq berýdi joiýǵa baǵyttalǵan bastamasy Joǵarǵy sot sheshimimen qoldaý tappaǵan edi. Sot AQSh aýmaǵynda týǵan balalardyń avtomatty túrde azamattyq alý quqyǵyn saqtap qaldy.
Osydan keiin Tramp ákimshiligi "bosaný týrizmimen" kúresýdiń jańa tetikterin ázirlei bastady. Qaralyp jatqan sharalar qatarynda júkti shetel azamattarynyń elge kirýine tolyq tyiym salý, sondai-aq, mundai saparlardy uiymdastyratyn tulǵalar men bosaný úshin AQSh-qa barǵan áielderdi alaiaqtyq baptary boiynsha qylmystyq jaýapkershilikke tartý týraly usynys bar.
AQSh ákimshiligi ókilderiniń biri úkimet zańsyz kóshi-qondy yntalandyratyn faktorlarǵa jáne tek AQSh-ta bosanyp, balasyna azamattyq alý maqsatymen keletin sheteldikterge qarsy kúresti jalǵastyratynyn aitty.
Sarapshylardyń baǵalaýynsha, AQSh-ta jyl saiyn dúniege keletin 26 myńǵa deiingi balanyń anasy elge tek bosaný maqsatynda kelgen bolýy múmkin.
