Belarýs Qaýipsizdik keńesiniń memlekettik hatshysy Aleksandr Volfovich el azamattaryna ýaqytsha Reseige, ásirese, shekaralas aimaqtarǵa barmaýǵa keńes berdi, dep habarlaidy dalanews.kz.
Onyń aitýynsha, Ýkrainadaǵy soǵys aiaqtalǵanǵa deiin mundai saparlardyń qaýipsizdigine eshkim kepildik bere almaidy.
Bul málimdeme keiingi úsh aptada ekinshi ret Brian oblysynda Belarýs azamattary otyrǵan avtobýstarǵa ýkrainalyq ushqyshsyz ushý apparattary shabýyl jasady degen aqparattan keiin jariialandy.
"Buǵan deiin de eskertkenbiz. Prezident birneshe ret Belarýs azamattaryn Reseige, ásirese, shekara mańyndaǵy óńirlerge barýdan bas tartýǵa shaqyrdy. Ol jaqta kún saiyn drondar qulap, osyndai jaǵymsyz oqiǵalar bolyp jatyr. Shekarany japqan joqpyz, barý nemese barmaý - árkimniń óz tańdaýy", - dedi Aleksandr Volfovich.
Ol shabýylǵa ushyraǵan avtobýs mektep, sport uiymy nemese memlekettik mekemeniń uiymdastyrǵan saparyna qatyspaǵanyn aitty. Onyń sózinshe, bul Anapadaǵy Qara teńiz jaǵalaýyna demalýǵa shyqqan Belarýs azamattarynyń jeke sapary bolǵan.
Sondai-aq, Volfovich soǵys aiaqtalǵanǵa deiin mundai saparlardyń qaýipsizdigine eshkim kepildik bere almaitynyn aityp, azamattarǵa Belarýs aýmaǵyndaǵy demalys oryndaryn tańdaýǵa keńes berdi.
Aita keteiik, Resei biligi Belarýs azamattary mingen avtobýstarǵa jasalǵan shabýyl týraly 17 maýsymda jáne 2 shildede málimdedi.
