Astanada mas kúiinde kólik aidap, jol apatyna sebepker bolǵan júrgizýshi 15 táýlikke qamaýǵa alyndy. Tekserý kezinde er adam “bir jyl ishimdik ishpedim” dep málimdedi dep habarlaidy Dalanews.kz. qalalyq politsiiaǵa silteme jasap.
Astana politsiia departamentiniń habarlaýynsha, túnde quqyq qorǵaý organdaryna elordanyń bir kóshesinde eki kólik qatysqan jol-kólik oqiǵasy týraly habar túsken.
«Oqiǵa ornyna kelgen politsiia qyzmetkerleri anyqtaǵandai, kólikterdiń biriniń júrgizýshisi mas kúiinde bolyp, baǵdarshamnyń qyzyl jaryǵyna qaramastan qashyqtyqty saqtamai, alda kele jatqan avtokólikpen soqtyǵysqan. Oqiǵa saldarynan kólikterge mehanikalyq zaqym kelgen», – dep habarlady departamentte.
Aita ketsek, meditsinalyq saraptama júrgizýshiniń alkogol qoldanǵanyn rastady. Politsiia jariialaǵan beinejazbadaǵy kadrlarda er adam tekserý kezinde «bir jyl boiy ishimdik ishpedim» dep aitqan.
«Sot sheshimimen quqyq buzýshy 7 jyl merzimge kólik quralyn basqarý quqyǵynan aiyrylyp, 15 táýlikke ákimshilik qamaýǵa alyndy. Quqyq buzýshynyń kóligi kommýnaldyq turaqqa evakýatsiialandy», – dep atap ótti politsiia ókilderi.
