استانادا ماس كٷيٸندە كٶلٸك ايداپ, جول اپاتىنا سەبەپكەر بولعان جٷرگٸزۋشٸ 15 تەۋلٸككە قاماۋعا الىندى. تەكسەرۋ كەزٸندە ەر ادام “بٸر جىل ٸشٸمدٸك ٸشپەدٸم” دەپ مەلٸمدەدٸ دەپ حابارلايدى Dalanews.kz. قالالىق پوليتسيياعا سٸلتەمە جاساپ.
استانا پوليتسييا دەپارتامەنتٸنٸڭ حابارلاۋىنشا, تٷندە قۇقىق قورعاۋ ورگاندارىنا ەلوردانىڭ بٸر كٶشەسٸندە ەكٸ كٶلٸك قاتىسقان جول-كٶلٸك وقيعاسى تۋرالى حابار تٷسكەن.
«وقيعا ورنىنا كەلگەن پوليتسييا قىزمەتكەرلەرٸ انىقتاعانداي, كٶلٸكتەردٸڭ بٸرٸنٸڭ جٷرگٸزۋشٸسٸ ماس كٷيٸندە بولىپ, باعدارشامنىڭ قىزىل جارىعىنا قاراماستان قاشىقتىقتى ساقتاماي, الدا كەلە جاتقان اۆتوكٶلٸكپەن سوقتىعىسقان. وقيعا سالدارىنان كٶلٸكتەرگە مەحانيكالىق زاقىم كەلگەن», – دەپ حابارلادى دەپارتامەنتتە.
ايتا كەتسەك, مەديتسينالىق ساراپتاما جٷرگٸزۋشٸنٸڭ الكوگول قولدانعانىن راستادى. پوليتسييا جارييالاعان بەينەجازباداعى كادرلاردا ەر ادام تەكسەرۋ كەزٸندە «بٸر جىل بويى ٸشٸمدٸك ٸشپەدٸم» دەپ ايتقان.
«سوت شەشٸمٸمەن قۇقىق بۇزۋشى 7 جىل مەرزٸمگە كٶلٸك قۇرالىن باسقارۋ قۇقىعىنان ايىرىلىپ, 15 تەۋلٸككە ەكٸمشٸلٸك قاماۋعا الىندى. قۇقىق بۇزۋشىنىڭ كٶلٸگٸ كوممۋنالدىق تۇراققا ەۆاكۋاتسييالاندى», – دەپ اتاپ ٶتتٸ پوليتسييا ٶكٸلدەرٸ.
