Astanada 15-qabatqa shyǵyp alǵan qyz jurtty shoshytty. Elordalyq qutqarýshylar qaiǵyly jaǵdaidyń aldyn aldy, dep habarlaidy Dalanews.kz.
Búgin 112 qyzmetine Baiqońyr aýdany Sh.Imanbaeva kóshesinde 15-qabattaǵy parapettiń shetinde adam tur degen habar túsken.
"Oqiǵa ornyna TJD bólimsheleri dereý jetti. Qutqarýshylar kórshi páter arqyly qaýipti jerge shyǵyp, boijetkendi bul qadamnan bas tartýǵa kóndirýge tyrysyp, kelissózdi bastady. Osy ýaqytta qutqarýshylardyń taǵy bir toby avtosaty kómegimen kóterildi", - dedi elordalyq TJD ókili.
TJD ókilderi 1999 jyly týǵan qyzdy qutqarǵan. Al áleýmettik jelide oqiǵanyń videosy tarap ketti.
