Almaty qalasy Naýryzbai aýdanyna qarasty Dala kóshesindegi №146 turǵyn úi on jyldan astam ýaqyt boiy qalanyń balansyna qabyldanbai, turǵyndary elektr jaryǵyn jekemenshik kompaniialardan birneshe ese qymbat baǵaǵa satyp alýǵa májbúr. Bul týraly belgili jýrnalist ári PR mamany Aibar Oljai málimdedi, dep habarlaidy Dalanews.kz.
"Tariftiń qymbattyǵy óz aldyna. Tipti sol jaryq apta saiyn 4-5 ret sónedi. Qazir úi eki kúnnen beri jaryqsyz otyr. Naýryzbai aýdany ákimdigi úidi qala balansyna qosamyz dep sońǵy 5 jyl boiy ýáde berip keledi. Biraq is júzinde eshqandai nátije joq", - deidi Oljai.
Onyń aitýynsha, biyl kóktemde kóshe turǵyndary Naýryzbai aýdanynyń ákimi Nazira Toǵyzbaevamen kezdesip, máseleni talqylaǵan. Ákim sol kezde “másele qysqa merzimde sheshiledi, tarif kóterilmeidi” dep ýáde bergen. Alaida arada birneshe ai ótse de, naqty nátije joq, kerisinshe tarif 1 kVt úshin 48–52 teńgege deiin kóterilgen.
“Al Dala kóshesinde jaryq jii sónedi. Úilerinde tórt kishkentai bala bar. Qysta olar tipti úidi jylytý úshin gaz qazandyǵyn qosa almaidy. Sebebi ol elektr qýatyna táýeldi. Qaqaǵan qys kele jatyr. Almatynyń ortasynda otyrǵan bul otbasynyń taǵdyry kádimgidei alańdatyp otyr. Nazira Asylbekqyzy óte isker ákim. Osy máseleni tez sheshedi degen úmit bar”, — dep túiindedi jýrnalist.
Osy tusta Dalanews.kz agenttigi ákimdikke saýal joldady. Resmi jaýapta infraqurylymdy damytý jumystary kezeń-kezeńimen júzege asyrylyp jatqany habarlanǵan.
“Qazirgi tańda aýyzsý júiesin júrgizý úshin injenerlik jeliler tartylyp, asfalt jabyndysy tóselgen.
Elektr jelisine qatysty másele boiynsha búgin, saǵat 17:15-te, Almaty qalalyq Energetika jáne sýmen jabdyqtaý basqarmasynyń basshysy Nurbaqyt Serikbai jáne "Taraz Enerdji" JShS merdiger uiymynyń ókilderiniń qatysýymen jiyn ótedi. Atalǵan jiyn qorytyndysy boiynsha qosymsha aqparat usynymyz”, — delingen habarlamada.
Sonymen qatar Ákimdik №146 úidi qala balansyna qosý máselesine qatysty da pikir bildirdi.
"Transformatorlyq podstantsiialardy (TP) balansqa alý máselesi aýdan ákimdiginiń quzyretine kirmeidi. Bul sheshimdi qabyldaý quqyǵy tek Almaty qalalyq Energetika jáne sýmen jabdyqtaý basqarmasyna tiesili.
Naýryzbai aýdany ákimdigi óz tarapynan tiisti basqarmamen turaqty bailanys ornatyp, turǵyndardy elektr energiiasymen qamtamasyz etý protsesin jedeldetý boiynsha jumystar júrgizýde.
Jiynda da turǵyndar úshin tiimdi sheshim tabý joly qarastyrylady", - dedi ol.
