Oblys ákimi jaýapty basqarma basshysy men aýdan, qala ákimderine turǵyndardy jedel «kógildir otynmen» qamtamasyz etý baǵytyndaǵy jumystardy kúsheitýdi tapsyrdy. «QazTransGaz» AQ-nyń Túrkistan oblysyndaǵy filialyna da usynystar berildi.
– Adamdar gaz keldi dep qýanady. Biraq gazdy úige kirgizýge deiin túrli qiyndyqtardan ótedi. Osy máseleni baqylaýǵa alyp, turǵyndarǵa qolaily jaǵdai jasaý kerek. Gaz salasyna qatysty árbir máselege jaýapty tulǵalar bekitilip, turaqty monitoring jasalýy tiis, – degen Darhan Satybaldy jaýapty basshylarǵa kemshilikterdi joiýdy tapsyrdy.
Oblystyq energetika jáne turǵyn úi-kommýnaldyq sharýashylyq basqarmasynyń basshysy S.Dalievtiń aitýynsha, oblysta 31 avtomattandyrylǵan gaz taratý stantsiiasy (AGTS) bar. 5 AGTS qurylysy júrgizilip jatyr.
2022 jyly 69 gaz nysanynyń qurylysyna 15,9 mlrd. teńge bólinip, onyń ishinde 9 nysannyń qurylysy biyl aiaqtalady. Qalǵan 60 nysan 2023 jylǵa ótpeli. 2022 jyl qorytyndysymen, 467 eldi meken (56,2%) nemese 1 mln. 561 myń halyq (75,2%) tabiǵi gazdy qosýǵa múmkindik alady. Aldaǵy 3 jylda qosymsha 255 eldi meken tabiǵi gazǵa qosylyp, nátijesinde 2025 jyly qamtý deńgeii 722 eldi mekenge jetedi (86,8%) nemese 2 mln. 3 myń turǵyn «kógildir otynnyń» igiligin kóredi.
