وبلىس اكىمى جاۋاپتى باسقارما باسشىسى مەن اۋدان، قالا اكىمدەرىنە تۇرعىنداردى جەدەل «كوگىلدىر وتىنمەن» قامتاماسىز ەتۋ باعىتىنداعى جۇمىستاردى كۇشەيتۋدى تاپسىردى. «قازترانسگاز» اق-نىڭ تۇركىستان وبلىسىنداعى فيليالىنا دا ۇسىنىستار بەرىلدى.
– ادامدار گاز كەلدى دەپ قۋانادى. ءبىراق گازدى ۇيگە كىرگىزۋگە دەيىن ءتۇرلى قيىندىقتاردان وتەدى. وسى ماسەلەنى باقىلاۋعا الىپ، تۇرعىندارعا قولايلى جاعداي جاساۋ كەرەك. گاز سالاسىنا قاتىستى ءاربىر ماسەلەگە جاۋاپتى تۇلعالار بەكىتىلىپ، تۇراقتى مونيتورينگ جاسالۋى ءتيىس، – دەگەن دارحان ساتىبالدى جاۋاپتى باسشىلارعا كەمشىلىكتەردى جويۋدى تاپسىردى.
وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى س.دالييەۆتىڭ ايتۋىنشا، وبلىستا 31 اۆتوماتتاندىرىلعان گاز تاراتۋ ستانسياسى (اگتس) بار. 5 اگتس قۇرىلىسى جۇرگىزىلىپ جاتىر.
2022 جىلعى 1 قاڭتارداعى جاعداي بويىنشا 831 ەلدى مەكەننىڭ (2 ملن. 75 مىڭ تۇرعىن) 457ء-سى تابيعي گازبەن قامتىلعان. ەلدى مەكەندەگى حالىق سانىمەن ەسەپتەسەك 1 ملن. 529 مىڭ تۇرعىن نەمەسە 73،7 پايىزى تابيعي گازدى قوسۋ مۇمكىندىگىنە قول جەتكىزىپ وتىر.
2022 جىلى 69 گاز نىسانىنىڭ قۇرىلىسىنا 15،9 ملرد. تەڭگە ءبولىنىپ، ونىڭ ىشىندە 9 نىساننىڭ قۇرىلىسى بيىل اياقتالادى. قالعان 60 نىسان 2023 جىلعا وتپەلى. 2022 جىل قورىتىندىسىمەن، 467 ەلدى مەكەن (56،2%) نەمەسە 1 ملن. 561 مىڭ حالىق (75،2%) تابيعي گازدى قوسۋعا مۇمكىندىك الادى. الداعى 3 جىلدا قوسىمشا 255 ەلدى مەكەن تابيعي گازعا قوسىلىپ، ناتيجەسىندە 2025 جىلى قامتۋ دەڭگەيى 722 ەلدى مەكەنگە جەتەدى (86،8%) نەمەسە 2 ملن. 3 مىڭ تۇرعىن «كوگىلدىر وتىننىڭ» يگىلىگىن كورەدى.
