Óskemende «eski mahabbat» janjaly tóbelespen aiaqtaldy: qyz kináli dep tanylyp, 40 saǵat qoǵamdyq jumysqa tartyldy dep habarlaidy Dalanews.kz. ShQO QAJ departamentine silteme jasap.
Vedomstvonyń baspasóz qyzmeti habarlaýynsha, 23 jastaǵy qyz kóshedegi janjal kezinde urǵany úshin 40 saǵat qoǵamdyq jumysqa tartylǵan.
«Janjaldyń, keiin tóbeleske ulasqan jaǵdaidyń sebebi eki tanystyń arasyndaǵy uzaqqa sozylǵan renishti qarym-qatynas boldy. Tekserý barysynda konflikttiń negizinde «eski mahabbat» jatqany anyqtaldy», – dep habarlady ShQO QAJ.
Sózdik janjal tez arada tóbeleske ulasty: qyz qarsylasynyń betine jáne basyna birneshe soqqy jasady. Zardap shegýshi fizikalyq aýyrsynýdy sezingenimen, aýyr jaraqat almady.
Sot barlyq is materialdaryn qarap shyqqannan keiin qyzdy urǵany úshin kináli dep taýyp, oǵan 40 saǵat qoǵamdyq jumys taǵaiyndady.
Jazany oryndaý Óskemen qalasynyń probatsiia qyzmetine júkteldi. Qyzmet ókilderi eki apta boiy kúnine tórt saǵattan qoǵamdyq jumystyń oryndalýyn baqylaityn bolady.
